KAAGAD na pumasok si Arwin sa kwarto kung saan nandoon daw si Dyna. Ayon kay Dino ay hindi raw bumababa si Dyna at hindi niya alam kung bakit nagkukulong ito samantalang ito ang may kasalanan at nagloko. Hindi niya talaga sinabi na darating siya dahil gusto niyang biglaan ito. Isang oras lang naman ang kanilang naging biyahe. Iniwan niya na lamang si Hendrix sa sala kasama si Mang Nilo at Dino.
Bukas naman ang pinto kung kaya nakapasok siya ng kwarto. Mabilis niyang isinara ang pinto dahil ayaw niya naman na may makarinig sa kanilang pag-uusap. Nakahiga ito sa kama at mukhang tulog.
“Wake up!” sigaw niyang hindi napigilan ang galit. Tulog ito dahil sa pagod sa lalaki nito. “Akala mo siguro hindi ko malalaman ano? Na habang wala ako ay nanlalalaki ka?”
Nabigla si Dyna sa kanyang pagsigaw
