UMIIYAK na pumasok si Dyna sa maid's quarter pagkatapos siyang paalisin ni Senyora Margarett, iyon ang gustong itawag niya rito. Ilang oras lang matapos ang pagpunta ni Arwin sa bahay na binili nito sa kanya ay dumating naman si Margarett kasama ang secretary nitong palaging nakasunod. Nagdurugo pa nga ang kanyang puso dahil sa mga nalaman mula kay Arwin ay ito na naman ang part two dahil binalikan na naman siya ng lola nito.
Akala niya ay malakas na siya at hindi na iiyak pa pero hindi pa pala dahil sa tuwing nakikita niya si Arwin ay nasasaktan siya. Tinatalo siya ng panibughong nadarama at kahit anong pilit niyang sabihin sa sarili na hindi si Arwin ang para sa kanya ay iba naman ang gusto ng kanyang puso.
Gusto niyang maging malakas hindi pa para kanino man kung hindi para sa kanyang
