Hindi maitatanggi ang pagtataka at pagkagulat sa mukha ng mga kasamahan ni Xenon, na pinangungunahan ni Ace at Ford. Bubuka at aawang ang bibig ni Ace kasabay ng pagsalubong ng kilay at pagkunot ng noo.
Mabigat at malalim ang bibitawan na paghinga ni Xenon. “Alam ko, nakakagulat ang desisyon na ito dahil nasa kalagitnaan pa lamang kami ng pagsasanay kay Zeke. Kahit pa sabihin na mabilis ang pag-usad ng kanyang pagsasanay at madali niyang natutunan ang lahat ng tinuturo, hindi pa rin ito katiyakan na kakayanin niya ang kanyang unang misyon. Kung kaya ay gaya ng sabi ko, sasama ako at pipili ako ng iba pa upang magmasid sa paligid at tulungan ako sa pagbabantay kay Zeke,” sasabihin ni Xenon. “Ang gusto lang naman mangyari ng Council ay makita kung paano makipaglaban si Zeke sa aktwal na chi
