الثاني الجزء الثاني

1414 Words

وقف امير بجانب امه وقال امير: اروي هتتجوز وتبقي زيك يا ماما وهيبقي عندها اولاد زينا كدا. ضحكوا جميعا علي براءته ثم اندفعت اروي في احضانها وقالت اروي: اتقدملي واحده يا ماما فريده. فريده بفرحه شديد: يا حبيبتي يا بنتي الف الف مب**ك يا غاليه ربنا يعوضك ياحبيبتي الفراغ اللي عشتيه من صغرك بس دا حصل امتي. خديجه:منا كنت لسه بسألها قبل ما تدخلي احكيلنا. اروي: من يومين مرضتش اقول لخديجه حبيت افاجأها اتقدملي هو واخوه وعيلته. ثم نظرت لخديجه وقالت بحب: انتي عارفه مين اللي اتقدملي يا خديجه. دهشت خديجه فهي لا تعلم لماذا سألتها هذا السؤال خديجه بحيره: مين...!!!! اروي: دكتور عمر خديجه وما زالت مندهشه : عمر مين معرفش حد انا بالاسم دا. اروي بضحك: عمر يا هبله الدكتور اللي فكليتنا المعيد يابت خديجه بصدمه: عمر المهدي!!!!! دهشت زينب وفريده فريده:مين عمر المهدي دا اروي:دا معيد عندنا فكليه طب وفالقسم بتاعنا يا ماما. فريده بضحك: يا سعدي وهنايا رينا يتمملك علي خير يا حبيتي ارتمت اروي في حضن خديجه وقالت اروي ببكاء: انا مش مصدقه يا خديجه بيقولي بيحبني من 3 سنين وكان مستنيني اخلص عشان يتقدملي. خديجه بفرحه: ربنا عوضك ياحبيتي عوض ربنا حلو والله افرحي ربنا يتمملك علي خير صلي استخاره واللي فيه الخير اكيد ربنا هيقدمهولك _________________________________ صدع صوت المؤذن معلنا عن صلاه المغرب خرج زين من غرفه الرياضه بينما هو صاعد لغرفته سمع صوت عمر في غرفه المعيشه دلف وجد والدته واخته وعمر زين بضحك:منور يا عريس عمر بمكر: عمال تقولي عريس غيران ياد ولا اي زين بضحك: اغير عشان هتبقي عريس دا انت اهبل يالاا دا انا زعلان عليك هتتعلق. هنا: لا خالص دا لسه حاكيلي عنها كيوته اووي يا زيزو ودكتوره زيو. زين: اه منا شفتها مزه طحن. قام عمر بغضب واتجه ناحيه زين الذي يضحك عمر:حسك عينك اسمعك تقول كدا يابن المهندس علي حاجه تخصني. زين بمكر: يخربيتك هتخنقني بهزر والله انا اصلا مشفتهاش مكنتش اعرف انك حمش اووي كدا يا عموري . ورده بضحك: ما تبطل يا زين مناغشه فالواد براحه عليه هيجيلك يوم وهتبقي زيوا وهتاخد السلخه منه. زين بضحك: لسه ملقتش اللي تخ*ف قلبي ومش مستعجل. عمر:هتلاقيها وساعتها هوريك انا هعمل فيك اي ورده وهنا:يسمع من بقك ربنا زين: اي دا اي دا زهقتوا مني كلكوا خلاص وعاوزيني اتجوز واسيبكوا مش هتزعلوا. عمر بضحك:ياخي اتجوز ونبقي نشوف حوار الزعل دا بعدين محدش شكالك. هنا بضحك: اهو قلك ورده: ايوا يابني نفسي اشوف عيالك انت وعمر وافرح بيكوا. اتجه زين وعانقها وقام بمسك خديها وقال زين: يا ورده انتي خدتي جمال كل البنات مين خاطف قلبي غيرك وهمس في اذنها: مش هتديني قطفه برضو. ورده بضحك وصت عاال:عمررررر خد الواد دا عني الله يخليك ايدوا تقيله وقليل الادب كمان. عمر بضحك ومكر : انتي لسه عارفه يا ماما دا علطول كدا يلعبله رياضه ويجي يطلعهم علي اي حد غلبان فوشه فاكر نفسه كدا رياضي بس علي مين ادينا رايحين النادي وهوريه انه هفق. زين بضحك: انا برضو هفق يا كداب بلاش اقلهم عملت فيك اي المره اللي فاتت فالنادي. عمر: وانت عامل اي انهارده يا زين مش يلا تطلع تتشطف وتتوضي عشان نصلي وننزل. زين بمكر: ايوا كدا لف وارجع وانا بقول كدا برضو ياا... عمووري يلا اجهزوا كلكوا ونازل انا ضحك الجميع عليه وقالت ورده: عديت الواد بقي هو اللمض وانت الهادي بعد ما كنت تطلع عينه يا عمر عمربضحك: ويارتني ما عديتوا دا مطلع عيني بس بحبه برضو (عمر مصطفي المهدي: يبلغ من العمر 30 عاما يتيم الاب لديه امه واخته يعيش في فيلا صغيره تركها ابيه له يتميز بالعيون الخضراء مثل ابيه والشعر البني الكثيف وسيم جدا بدنه رياضي وطويل القامه حنون جدا وطيب القلب ولاكن حاد الطباع بعض الوقت يعمل فالصباح معيد في جامعه الطب قسم العيون وعند الانتهاء يذهب للشركه التي يملك فيها نصف اسهمه التي ورثها مع ابيه ويشاركه زين اخيه فالرضاعه بها يحب زين كثيرا ومتعلق به) ___________________________________ بعد مرور ثلاثه ايام ابلغت اروي بهم عمها بموافقتها وقرروا عمل حفله خطوبه في الجنينه الخاصه ببيت اروي واعمامها ... __________________________________ في منزل ابراهيم كانت تجلس رحمه وياسمين واميره ياسمين بحقد: بقي اروي حتت السحتوفه دي هتتخطب وقبلي لا وكمان لدكتور فجامعه ومعاه شركه. اميره بتعاطف: حظها بقا يتيمه وربنا عوضها قالت رحمه بحنق: ودا مزعلك فأي ياسمين: يزعلني طبعا تتخطب قبلي ليه هيا ازاي يعني دا. رحمه بعضب: ودا يخصك فأي اصلا هو انت اي حد احسن منك تغيري منه ياسمين بحده: اغير!! انا اغير من حتت الحيزبونه دي تبقي هبله رحمه بضيق:مال دا تسميه اي وبعدين ما انتي اتقدملك كذا واحد وكل شويه تطلعي بحجج فارغه وترفضيهم دا طويل اصل دا قصير اصل دا انفه كبير اصل دا بكرش وفالاخر اد*كي قاعده فالبيت. اميره بتأيد: رحمه عندها حق اتقدملك كذا واحد وفالاخر ترفضي. ياسمين بكبرياء: عشان انا مش اي حد يستاهلني يا ماما انا دكتوره تحاليل ومعايا فلوس واكيد كله طمعان ففلوسي وشهادتي وبعدين لازم انقي واحد كدا كامل من كل حاجه عشان اغيظ بيه خديجه والعيله. رحمت بتفاذ صبر: اتغري اتغري لحد ما ربنا يوقعك فواحد تتخدعي فيه ويطلع عينك مش بالمظاهر والفلوس هيا. ياسمين بضحك: لا بالمظاهر طبعا ما اهي اروي خدت واحد طول بعرض وحليوه ولي مكانته وسط الناس. اميره بحنان: طب دي واحده ربنا عوضها يعني خد منها فحاجه وعوضها فحاجه تاني. رحمه بغضب: وكمان بعيد عن دا كله ما ياما اتقدملك ناس حلوه زي ما بتقولي وكويسه وبرضو بترفضي. ياسمين: كنت علي حسب مزاجي بقا اعمل اي اللي بيطلب معايا بعمله. رحمه بتنهيده: خليكي لحد ما تخللي وتبقي زيك زي الكرسي اللي قاعده عليه. وتركتها وخرجت من الغرفه تن*دت ياسمين وهي تفكر ف اروي وخاطيبها ويوم الخطوبه وتفكر بمكر كيف تجذب انتباه الجميع لها ___________________________________ يوم الخطوبه.. ارتدي عمر بدله تميل للون الاسود وكان جذاب للغايه وارتدي زين كانت تليق علي جسده الرياضي بشده وكان وسيم خرج زين وعمر ومعه عائله عمر وعائله زين متجهين لبيت اروي ___________________________________ ارتدت اروي فستان خطوبتها يميل للون السكر ومنقوش وكانت جميله جدا وارتدت خديجه لون سكري بلمعه وكانت في اروع صورها قامت خديجه بتجميل اروي وتجهيزها وجلسوا يتسامرون حتي يأتي عمر خطيبها وكانت اعين ياسمين علي اروي وقلبها ينهشها من الغيره __________________________________ دلف عمر وزين بوسامتهم وجذابيتهم الشديده تحت نظرات اعجاب شديده من الحاضرين استقبلهم خالد عم اروي وقال بحب خالد: اهلا وسهلا نورتونا اتفضلوا. اعطي عمر علبه من الشيكولاته لخالد وقبله وعانقه وكذلك زين. دلفوا لأقرب طاوله وجلس عليها زين وامه واخته وكذلك عمر وامه واخته كانت اعين عمر تبحث عن اروي في كل مكان بينما زين جالس بملل يقلب بهاتفه فهو لا يحب المناسبات.... بينما كانت ياسمين تنظر لزين نظرات حب واعجاب __________________________________ خديجه بحب:جاهزه يا حبيتي ننزل عشان هما تحت اروي بتوتر: جاهزه بس متوتره اووي خليكي جمبي يا خديجه اوعي تسبيني خااالص امسكت يدها ونظرت إليها وقالت بحب خديجه: جمبك لآخر نفس فيا. ودلفت للأسفل وعند خروجهما نظر الجميع اليهما وصفقوا تحت نظرات اعجاب بهم وتمته بآسم الله فقد فكانوا كلآميرات نظر عمر إليها بشغف وحب وقال لنفسه: يالهوي علي الجمال تبارك الله سبحان الخلاق. اتجه عمر إلي اروي وقبل جبينها قائلا لها بهمس عمر: هو القمر بقي اتنين ولا اي خجلت اروي كثيرا وكانت اعينها تنظر للأسفل عمر بضحك: خلاص خلاص متت**فيش اوي كدا دا انا لسه مقلتش حاجه امال لما ادخل فالتقيل هتقعي مني. ضحكت اروي علي كلامه بينما هو شرد في ابتسامتها افاق من شروده علي صوت امه جميله جميله بحب واعجاب: مشاء الله يا حبيتي قمر وعانقتها بسعاده بينما قالت اخته لارا بسعاده =الف مب**ك يا حبيتي ربنا يتمملكوا علي خير فرحانه اووي انك هتتجوزي عمر وهتكوني معايا علطول ومش هسيبك لحظه وبادلتها العناق.... نظرت اروي لها بحب وكأن قلبها يطير فرحا من حبهم لها امسك عمر يدها وجلس علي المقعدين المخصصين لهم واخذ يتغزل بها بينما هي كانت خجله جدا كان زين يقلب في هاتفه بملل تحت نظرات الاعجاب الشديده من ياسمين بينما يرفع رأسه لينظر حوله وجد ياسمين تنظر له بأعجاب فلم ينظر لها ولم يعطها أي اهتمام فأردف يقول لأمه: ماما هو... صدم عندما رأي خديجه اعجبته كثيرا فقد كانت رقيقه جدا في فستانها وتضع زينه خفيفه علي وجهها كأنها اميره بل واجمل كانت كالحور العين ابتسامتها اعجبته بشده جاء عمر ونظر إليه وجده شارد وعينه علي خديجه فقال عمر بمكر: هي الصناره غمزت يا زيزو ولا اي. زين بشرود: بس ياد غمزت فعينك ألا قولي مين دي اللي قاعده جمب خطيبتك. نظر عمر بأتجاه ما شارو له وجدها خديجه قال عمر بخبث: دي صاحبه اروي اسمها خديجه معرفش حاجه عنها. اخذ يتمتم في نفسه: خديجه خديجتي. قال زين بغضب: دا اخرك الواحد ميعرفش ياخد منك عقاد نافع. عمر بمكر وتفكير: والله انا برضو طيب اديني هوريك ان... ظافر بأستعجاب: زين المهندس وعمر المهدي هنا..!! نظر عمر وزين بأتجاه ظافر وقاما من مقعدهما نظروا بأستعجاب لظافر زين وهو يمد يده له قائلا بتعجب: استاذ ظافر اهلا بحضرتك عمر بتفكير: ازيك يا استاذ ظافر اي الصدفه العجيبه دي يتبع...

Free reading for new users

Scan code to download app

App Store Google Play

Facebookexpand_more