NAKABIBINGING katahimikan ang bumalot sa aming lahat habang nakaupo rito sa loob ng living room. Lahat ay tahimik at parang may graded recitation na magaganap at si Lolo ang magiging professor namin sa gabing ito. Tila nagpapakiramdam kaming lahat kung sino ang mauuna ngunit walang may lakas ng loob na unang magsalita.
Si Lolo ay nakaupo sa pang-isahang sofa na nasa gitnang bahagi nitong living room. Nakabuka at magkahiwalay ang kaniyang dalawang binti habang prenteng nakasandal ang likod sa sandalan ng sofa. Ang magkabilang kamay niya ay relax na relax na nakalapat sa magkabilang arm rest ng upuan habang salitan kaming pinagtitinginang lahat.
Sa kanang bahagi naman ni Lolo ay nakaupo si Daddy na naka-de kuwatrong upo na katabi ang nakataas ang kilay na si Mommy. Nakasuot siya ng kulay
