NAGAMBALA ang aking tahimik na pag-iisip dahil sa ingay na nagmumula sa aking cellphone. Nang ibaling ko ang aking tingin sa screen nito ay si Matet pala.
Agad kong pinulot ang cellphone para sagutin ang kaniyang tawag. Once na hindi ko kasi sinagot ang tawag ng babaeng ito ay siguradong bubulabugin at hindi rin niya patatahimikin ang buhay ko hanggang sa mapilitan akong magkuwento sa kaniya. Kung may reyna ng kakulitan, siya na iyon.
Isang nakababagot na buntong-hininga ang aking pinakawalan kasabay ng pagpindot ng answer button bago ito inilapat sa aking tenga.
“Hello—”
“Ikaw na babae ka. Ano namang katangahan ang pumasok diyan sa kokote mo para—” Nailayo ko ang cellphone mula sa aking tenga dahil sa lakas ng boses ni Matet pagkasagot ko pa lang ng kaniyang tawag.
Nabasag na yata
