Ryder’s POV
Isang buwan.
Isang buong buwan ang tiniis ko nang hindi nakikita si Samantha. Hindi ko siya tinawagan, hindi ko rin pinadalhan ng kahit anong mensahe kahit pa gabi-gabi, ang tanging gusto ko lang ay marinig ang boses niya. Pero hindi puwede.
May mas malaking laban akong kailangang tapusin.
At iyon ay ang paghuli sa traydor na muntik nang pumatay sa mag-ina ko.
Bawat araw sa loob ng tatlong linggo, walang pahinga ang paggalaw ko. Mga operasyon, surveillance, interrogation—lahat ‘yan, tinutukan ko nang walang patlang. Hindi ako puwedeng magkamali. Hindi ako puwedeng mabagal. Hindi ako puwedeng bumigay.
Hanggang sa dumating ang araw ng operasyon.
Gabi. Mabigat ang hangin. Nasa gitna kami ng isang compound sa labas ng lungsod—ang pugad ng taong tinutugis namin. Tahimik ang p
