MERI JINDAGI KI KAHANI

Meri jindagi ki kahani suru hoti h school ke hostel se .. Maine lagbhag 10 saal tak apni jindagi hostel me bitaya. En 10 saalo me Maine bahut kuch Sikha aur bahut kast bhi jhela. Hostel wala life bahut alag he hoti h yaar waha kuch pal ke liye baccho ke sath maan lag gya, toh kuch pal baad he maa ki yaad aane lagi, kabhi maar mil gyi teacher se toh kabhi teacher se pyar bhi mil gya yahin hota rehta h akshar hostel me. Mere sath bhi yahi hua. mere hostel me ek teacher rehte the unse hostel ke sabhi bacche bahut jyada darte the halaki school ke sabhi teacher se bhi darte the lakin un sabke tulna me hostel Wale teacher se jyada he. Kyuki woh hostel me he rehte the aur hostel ke baccho par jyada dhyan rakhte the. Aur tution time mee agar unhone kuch classwork de diye toh sabhi baccho ka dar se pashina nikalne lagta tha. Kyuki woh teacher jara sa bhi gussa hote toh sab ko mar ke he chorte the. Kya aapne apni jindagi me hostel wali life jiya h. Halaki ye sab hostel me hota he rehta h hamare hostel me lagbhag 4o bacche the jinme se 2-4 bacche bahut jyada hee badmas the unlogo ke chakkar me jyadatar bacche maar khate rehte the. Aur yahi 2-4 bacche sabhi baccho ko pareshan karte rehte the. Mujhe bahut jyada paresan Kiya karta tha. Mai tab bahut bhola Kism ka baccha tha bas aakele me rota tha lakin kuch nhi bolta tha. Mere hostel ke school me Nur to Six tak he class tha. maine apne school time me kabhi bhi 1st rank nahi laa paya. Mai bahut hee koshish Karta lakin pata nhi 1st rank kyu nhi laa pata tha. Maine hostel ke school me 6 tak ki padhai ki uske baad hostel se kareeb 5km dur St. Joseph high school me mera dakhila karya gya. Mujhe sabse pehle pehle uss school me bahut hee jyada dar lagta tha lakin ye dar samay ke sath khatam hota gya. Ye school abb pehle wala school se jyada bara tha yaha ke teachers bhi bahut jyada disciplined the. Mr. Fransis Murmu yahaa ke principal the. Lakin wala principal ko Father bolta jata h. Aur waha sister bhi hoti h , brother bhi hote h matlab pura family he ye school me pura ho gya Aisa lagta h. Ye school Cristian authority se the Jo bahut hee kaam fee me accha knowledge pradan karte the. Ye such bhi h ki India me 70% education Cristian he sambhal ke rakhe h. Yaha sister, brother, father tino white dress me rehte the. In sab ke alawa yaha 8 teachers aur 4 medam thi. Maine 7th me aapna dakhila karwaya tha lakin Mai class nhi kar paya kyuki uss waqt lockdown chal raha tha. 8th Tak aate aate lockdown khatam ho chuka tha aur mai abb school Jana suru kar chukka tha. Mera first day school ka class, field, lab, office yahi sab dekhne me chal gya matlab Maine uss din kuch bhi padhai nhi ki sab sant baithkar charo taraf dekha Raha. Yaha ke classrooms bhi bare bare the ek class me lagbhag 100 bacche aaram se baith sakte h itna bara tha. Yaha 8,9 aur 10 tino class ke A,B,C,D char char section the. Charo section me lagbhag 90-100 karke bacche baithta tha. Aab dhire dhire mera bhi maan lagne laga tha school me aur 2-4 dost bhi ban ne lage the mere. Ab mai class me dost ke he sath baitha, unhi ke saath ghumta aur lunch me bhi unhi ke saath tiffin bhi karta. Mujhe math me jyada interest tha. Isiliye math khub padhta tha. Maine 9th Tak ki math 7th me he compelete kar liya tha isiliye mujhe math me 9th Tak toh Koi Problem nhi hui. Mere dost hamse math me help lete the aur mai bakhi subject me unse help leta tha. Aur aab dosto se jyada lagao ho gya tha mera. dheere dheere pura class ke ladko se hamlogo ka dosti ho gaya tha. Yaha ek class me 2 leader hota tha ek ladka aur ek ladki. Hamlogo ki ladki ke leader se jyada nhi chalta banta tha. Akshar hamlogo ki ladai unse hoti rehti thi. Unse na bane ka karan ye tha ki class me kuch bhi ho akshar ladai jagra ya phir koi baat karta ho toh woh hamlogo ka dost ka team ka name jarurt likhti thi. Bas isi ke chalte hamlogo ka unse nhi banta tha. Aaplogo ne bhi school time friend team banaya he hoga, kyuki akshar ye hota h 5-6 ladko ya ladki ho ek saath ghumta ho class me bhi ek saath baithte ho, ek saath lunch bhi karte ho yahi hui na friend team. Lakin ladki ki leader padhai me bhi bahut tez thi. School ki 3 mam hamlogo ko acche se jant thi aur hamlogo ko bhi bahut prasant thi Wo tino mam. ek hindi padhati thi , ek history, aur ek computer padhati thi hamlogo ki favourite mams thi ye sab computer wali man ki Saadi nhi Hui thi. 1 mam bio wali se hamlogo ka nhi banta tha. Woh ek number ki kharush thi. Pehle wali Bio mam mast the lakin woh change ho chuki thi. Hamlog sara friends ek saath baithte the class me aur khub Masti karte the. Mam sab ki class me bhi masti karte the. Isiliye hamlogo ko mam ek sath baithne nahi deti thi sabko aalag aalag baitha diya karti thi. Aab mujhe pehle wala school se jyada aazadi mil gya tha mai cycle se school aata tha. Iss baar Mai 8th ke school exam me 1st rank hasil kiya tha. Mera social science thoda kamzor tha matlab hamko history wagera samajh nhi aata tha ekdom Bakwaas lagta tha. Dekhte dekhte hamara ek saal khatam ho gya tha school me aab hamari 8th ki class khatam ho chuki thi. Aab new session start ho gya tha yani 9th me admission karwana tha. Aur hamari school kuch dino ke liye band the admission ke liye....... kucch dino baad.... Maine school 🏫 ki chuttiya aapne nani ka Ghar me bitaya. Mai akshar nani ghar he jaya karta tha. Mai aapna Ghar bahut hee kaam jata tha. Koi jarurat kaam me he jata tha nhi toh nhi jata tha. Waise bhi mujhe Mera Nani ka Ghar me he rehna jyada pasand tha. Maine chuttiya Puri Masti me baithaya. Mere bahut sare dost bhi the waha. Meri Nani hame bahut manti bhi thi. Jyada din tak rehne ke baad waha se hostel Jane ka man he nahi karta. Lakin aab chuttiya khatam ho chuki thi aur ab hame school bhi Jana tha. Isi bich hamne 9th me admission bhi karwa chuka tha. Chuttiya khatam ho gyi aur mai phir se hostel aa gya. Chuttiya ke baad hostel aane par kucch dino tak ghar ka he yaad aata rehta h man he nhi lagta h kisi me na padhai me Aur na he khel-kud me. Lakin phir dheere dheere pehle jaisa ho jata h. Aur Aaj Mera 9th ka first day thaa school me, har roj ke tarah Aaj bhi mai cycle se school pahucha. Kucch der baad ghanti baji sab laine me prayer ke liye khade ho gaye . Prayer hui tab tak sab thik tha lakin Prayer khatam hone ke baad principal (father) stage par aaye. Hamare principal kabhi bhi stage par kucch leke nhi aate the. Lakin Aaj uske hath me ek dairy tha. 2 minutes tak kuch nahi bole uske baad principal sir ne sabhi ko aage class( uccha class) jane ki badai diye aur bole aab sabhi baccho ka section alag-alag ho gaya h. jisko jo section milega woh wahi section me rahoge. Bas itna sunkar sabhi baache aapne aapne dosto ko dekhne lage es nazar se ki kahi hamara section change na ho jay. Lakin aab hota bhi kya jo hona tha woh toh hoga he. Hamare team ke sabhi dosto ka section alag ho gya tha. Ek do dost he mere section me bache hue the. Aab hamlog sab bichar gye the mera section-B tha. Mera favourite friend ka section -A mila tha. Sab aapne aapne class me Jake baithe. Suru suru me class me bhi maan nhi lagne laga tha dosto se bichar kar. Koi bhi mam class aati toh pehle hamlogo ko dekhti phir puchti tumhare dosto ka section change ho gya kya. Usme se ek kharus mam bhi thi woh bolti theek he hua bahut jyada baat( shor- sharaba) karta tha na. Aab kiske saath baat karega . Ye sunkar bahut he jyada gussa bhi aata magar phir sant ho jate. Phir lunch time me sabhi dost phir se mil jate aur ek he saath lunch kiya karte. Jab tak ghanti na bajti tab tak sabhi saath me he rehte. Kabhi kabhi ghanti lagane ke baad class jane me thoda late ho jata toh mam hamlogo ko classroom se bahar he khade kar deti thi. Aagar class me sister rehti toh kaise bhi sister ko mana lete the magar sister ke alawa sab teacher bahar he khade kar dete matlab pura period Tak bahar he khada rehna padta tha. safta me ek period game ka bhi hota tha. Game period jis din hota tha uss din hamlog bahut he khush rahte the bas sabhi game period ka intezar karta. Jaise he game period ka ghanti bajti bas sabhi koi khelne ka saman office se lake maidan khelne Jane lagte. School me bas ladko ke liye 2 bat aur 1 ball tha aur ek football. Ladkiyon ke liye 🏸 badminton raket (2 set) tha. Saman bahut he Kam tha lakin baccha bahut he jyada tha. Mujhe badminton khelna pasand tha lakin hamlogo ko badminton nhi mila tha. Maidan pahuchne ke baad kucch baache khelte toh kucch baith kar dekhte. Aur kucch 4-5 bacche ka jhund banakar ghumte bas. Hamlogo ka jhund isi parkar ka tha. Maidan ka bagal me ek chota sa khet tha jisme chotta chotta hara bhar ghash( grass) rehta tha usi me hamlog jakar kucch khelte ya ladai karte toh kabhi majak majak me sheesham ka patte (sheesham 🌿) jo hawa se niche jamin par gire hue hote usse utha kar kisi ke tshirt 👕 me bhar dete the aur bhag jate the. Toh kabhi koi kisi ka tshirt ka packet phar deta tha. Kisi ke ke fatne ke baad dost me se kisi ka packet nhi bachta sabka koi na koi far deta. Hamlogo ke jhund me kisi ke tshirt me packet nhi tha. Hamlogo ka yahi sab khel hota rehta tha. Kabhi bhi hamlog school ke saman se nhi khelte the. School ke bagal me ek nasta dukan bhi tha jispar hamlog parayah nasta Kiya karte the. Dukan se hokar school ke diwal ke side se ek rasta tha jisme nasta khate hue jaya karte the. School ke piche ka diwal thoda sa tuta tha. Ghanti lagne ke baad usi me chalang markar aandar chale jate the. Father(principal) aab hamlogo ko English padhne Lage the. Bahut he easy language me story ko samjhate. Aisa lagta jaise aab hamesa ke liye yaad ho gya. Physics aur Chemistry ke teacher bas aapna copy lekar aate aur bas likhwa kar chale jate kucch bhi nhi samjhate. Kisi bhi baccha ko kucch samajh nhi aata. Hamare school me bahut sare functions bhi hote jaise teacher's day, children's day, 🎄 Christmas, farewell party, sports ye sab bhi hote rehta tha. Mai koi bhi function me hissa nhi leta tha. Mujhe koi interest nhi tha ye sab me. Bas mujhe stage sajane ke liye bulaya jata mai woh karke waha se bhag jata. Mam sab ne kai baar functions me kuch dance-wance dene ka Sochi magar Mai he nhi lena chata tha isiliye jab name pukarta tab mai bhag jata tha. Isi prakar se din bitta gya firat exam hogya , second exam bhi ho gya , aur final bhi gya , lss baar mera final me bahut aacha number nhi aa paya tha. Maine he Kam padhai pe dhyan diya hoga isiliye. Mere class me ek ladki top ki thi. Jo class ki leader thi. Koi baat nhi woh bolte h na .. "Haar se hee jeet ki prarambh hoti h " Hamare saath bhi ho hua. Aab last year and final year bacha tha school ka. school se aab maan uth gya tha. Hamesa socha karte the kab school se nikale ki aajadi milegi. Aab next year chalu hone wala tha. Bahut sare new bacche addmission bhi karwa rahe h h... Charo taraf idhar udhar kagaz pattar dikh rahe the.... "Haar se hee jeet ki prarambh hoti h " Hamare saath bhi ho hua. Aab last year and final year bacha tha school ka. school se aab maan uth gya tha. Hamesa socha karte the kab school se nikale ki aajadi milegi. Aab next year chalu hone wala tha. Bahut sare new bacche addmission bhi karwa rahe h h... Charo taraf idhar udhar kagaz pattar dikh rahe the.... school ke last year..... Maine bataya tha aaplogo ko previous chapter me ki mera 9th ki padhai khatam ho chuka tha. Aur mera aab school ka last year he bacha hua tha. Mera school khul chuka tha. Aur es sal bhar hame kari mehnat karna tha taki final result kharab na ho. Sabhi ko laga hoga ki section change ho jayega lakin es baar aisa kuch nhi hua na section change hua na he hamare dost phir se ek class me mil paya. Bas change the classroom aur class teacher. Phir se new class leader banaya gya. Mujhe bhi iss saal kai baar leader banaya gya lakin mujhe aab leader ban na pasand nhi tha. Kyuki leader ka toh kaam he hota h pura class ko sambhalna. Lakin hamare class me 2 ladke jiska name Anish aur Manish tha. Inko sambhal na mere toh kya kisi bhi teacher ke bas me bhi nhi tha. Matlab haad se jyada Badmash tha. Aur padhai me ekdam bhondu. Bas sabse ladai karte rehta. Aur Leader kucch bolta toh usi se ladai karta. Iss baar hamare class teacher bhi kharush Wale sir the. Woh math padhate the. Suru suru me ek do din padhai me jyada dhyan dete phir dheere dheere maan bhatakne lagta tha. Mere saath do dost baithte class me dono 9th me he new admission tha aur mera he section me tha. Tab se he mere sath dono baithta tha. Wahi dono ne mujhe cube bhi solve karna sikhaya tha. Mujhe laga tha mai kabhi bhi sayad cube solve na kar paunga lakin woh dono ne mujhe safta bhar me sikha diya. Unhi ka cuse se hamne pura cube solve karna sikh gya. Mere saath hostel me Rishav name ka ladka rehta tha. pehle Ham dono saath me he the hostel Wale school me bhi. Khub ladai karte the. Hn lakin woh bakhi cheezo me Mera madad(help) bhi karta tha. Mai uska padhai me madad karta tha. Hostel se lagbhag 100 meter ki duri me hamlog dusro ke ghar tution karne jaya karte the. Tuition ke teacher koi dhang ka nhi padhate the lakin purana teacher the isiliye hamlogo ko waha bheja gya tha. Bas sir aate aur math ka 2 sawal book se banane de dete aur bas aaram se baithte. Aapne se na kuch samjhate na he batate. Lagbhag 65 sal (65 year) ka raha hoga tabhi tution Wale sir. 9th Tak ki padhai Kiya tha hamlogo ne woh sir ke pass. Jiska ghar me sir padhane aate the uska ek beti bhi thi jo hamlogo se ek class aage the matlab jab hamlog 9th me the tab woh 10th me thi. Mera dost Rishav ko usse prem ho gya tha. Ladki bhi usse pyar karne laga tha. Rishav ke pass ek chota sa keypad phone tha tab. Mere pass phone nhi tha. Woh do phone me khub baate karta. Raat bhar baate karta kabhi kabhi choop choop ke mile bhi chala jata raat me uska ghar. Aab tution bhi pehle jate uske chakkar me hamlog bas jakar baite rahte jab tak master na aate tab tak woh dono side me pyar mohabbat bhari baate karta. Ye sab 9th Tak ki he kahani tha. Kisi Karan bass Rishav ke Ghar me pata lag gya tha ki woh uss ladki se baat karta h. Pata lagne ke baad bahut kuch ho gya woh ghar chala gya tha. Ghar me aisa karta jaise lagta tha aab uske liye pagal he ho gya h koi bhi kitna samjhata lakin nhi samjhta woh. Sarm ke mare sayad woh hostel bhi nhi aa raha tha. uska school bhi bahut din choot chuka tha. Uske papa ek din hostel aa kar uska Sara saman le gye. Aab hostel me bas Mai he bada baccha bacha hua tha bakhi sab choote choote the. Aab hostel me bhi bacche pehle se bahut kam ho chuka tha. Maan bhi nahi lagta lakin kya karte. Aab pehle wala tution bhi band chuka tha. Aab dusra teacherhamre hostel he aate padhane. Aur 3 ladki , 1 ladka jo bagal ke sarkari school me 10th me he tha woh sab bhi saam me hamare hostel he tution ke liye aati thi. Hamlog 2 alag choki me Sara 10 th ke bacche padhai karte. Aur choote choote hostel ke bacche bhi wahi room me padhi karta. Mai he hostel ke baccho ko tution padhata tha. Khub pit ta bhi tha jab koi hw nhi pura karke aata toh khub pit ta usse. Kucch dino baad Rishav bhi aab Ghar se he school aana suru kar diya tha. Lakin ham dono ki dosti aab bhi thi. Aab woh bhi khuch badal chuka tha. Bahut samjhane ke baad uss ladki ko dheere dheere bhul raha tha. Ye sab me mera bhi padhai ka thoda nukasam hua. Lakin aab padhai bhi aacha se karna tha. School ka mera favourite dost jisko section A mila tha. Uska aur mera name same tha. Mera name bhi sandeep aur uska name bhi sandip tha. Bas i aur e ka fark tha. Jab hamlog 8 th class me the tab se he woh uss ladki se payar karta tha jo leader thi 8th class ki. Jo bas hamlogo ka name likhte rehti thi. Maine bataya tha pehle bhi uss ladki ke baare me. Sayad sandip se woh ladki bhi pyar karti thi. Jab section change hua tha tabhi uss laski ko bhi A section mila tha. A me mera dost sandip bhi tha. Dono ek class me the. Kabhi kabhi mera dost sandip se mera ladai bhi ho jata tha kyuki woh aapna girlfriend ke chakkar me hamlogo ko bhul jata tha. Uspar he jyada dhyan deta tha isiliye kabhi kabhi baate bhi kam hoti thi. Programs me mere sabhi dost hissa lete bas Mai he nhi leta tha. Isi tarah 10th ka bhi class chalta raha. Pehle jaisa he hamlog game period me milte rahe masti karte rahe. Aur din bhi bit ta ja raha tha. School me bahut sare choote choote bagiche bhi the Jo class ke hishab se dekh bhal ke liye batt (बांट ) diya gya tha. Sabhi ke bagiche me rang birange phool the. Phoolo ko dekh kar aisa lagta jise koi choota sa baccha muskura raha ho. Bade bade pyare pyare komal phool the bigiche me. Sabhi last period me aapne aapne bagiche ki saaf safi karta. Koi patee bichta toh koi phool me panni daltatoh koi naya phool ka phodha lagata. Lakin phool todna mana tha. Phir bhi bahut bacche phool tor he lete the. Phoolo ki sundarta dekhkar kar raha nhi jata jaise ek bacche aapne maa ko dekh kar na reh pata. Waise hi ye hanth pyare pyare phool ko dekh kar nhi reh pata tod hi leta. School me ladkiyon ki alag bathroom tha aur ladko ka alag bathroom tha. Safai samay samay par hote rehti thi lakin phir bhi bathroom ghusne ka himmat nhi hota tha itni is gandi badboo (durgandh) aati thi. Bahut bacche bathroom ke bahar me he toilet kiya karte. School me ek niyam kharb tha aagar koi absent karta toh use dusre din application bhi likhna padta aur dairy me principal se sign bhi karwata aur iske alawa 10 rupees din ke hisab se fine bhi dena padta. Ye bara galat tha. Kabhi kabhi principal se sign karwane ke liye lambi line me khada hona pada. Tab jake sign ho pata. Kabhi kabhi 1st period khatam ho jata itni lambi line hoti thi absent walo ki. Hostel se 3 km dur ek dam tha jispar hamlog kabhi kabhi Sunday ko ghumne jaya karte the. Kabhi kabhi bagal ke pahar🏔️ (mountain) ghumne chale jate the. Waha pahar me kaju ka tree 🌲 bhi tha. Aur ek pila colour ka gol mol choota sa ek phal(fruits) hota tha jise hamlog kend bola karte the ye bas garmiyo ke dino me hota h. Ye pakne ke baad mittha lagta h. Iske aandar do biz hote h. Khane me ye bara swad bhi lagta h. Mai jis hostel me rehta tha wahi ke baccho ke sath saam me ghumne chale jate the. Aur kabhi kabhi ball khela karte the. Uss samay hamlog der sara plastic jama karke ek bara plastic me dalte uske baad usse bara sa rassi le kar pura tite karke bandhte. Daab daab kar bandhte taki thoda chotta ho jay. Usi football ⚽ se hamlog khela karte aur kai tarh tarah ka khel khela karte. Jaise tutta chappal ko gol aakar ka katkar gurkaya karte aur dande se jor se marte. Do team me hamlog hote h aur khela karte the. Kya aaplogo ne bhi bachpan me aisi khel khela h. Aab board exam me bhi bahut hi kam time bacha tha. Model set bhi aa gya tha. Aab aache se padhna bhi tha. Mai math khub banaya karta tha. Sabse jyada math padhta tha. Bakhi subject bahut hi kam padhta tha. School me Christmas 🎄 ka function bhi tha. Sabhi Christmas ka taiyari me Lage the. Hamare school me Christmas bara dhoom dham se banaya jata tha. Kyuki Cristian ka he school tha. Mujhe bhi tharmocol katne ke liye bulaya gya. Tharmocol katkar Happy Christmas day likhna tha aur kucch stars bhi banana tha. Ladkiya dance ka taiyari kar rahi thi. Mere dost sab bhi dance ka practice kar rahe the. School leaders commentry karne ka taiyari kar rahe the. sister bhi bahut khush thi. Mam sab ladkiyo ko swagat sangeet ka taiyari karwa rahi thi. Bakhi bacche garden ,class aur field ye sab cheezo ki safai kar rahe the. Matlab sab idhar udhar busy the. Teacher sab table par ek chotta sa jopri bana rahe rahe the jeshus ke liye jiske aandar jeshus rehta uska maa, papa , aur bahut kucch rehta usse bahut hi aache se sajaya jata tha. Jhopri bara he sundar dikhne lagta tha. Christmas ka din bara se manmohak lagata. Aise lagta jaise pura school he Ghar ban gya ho. Charo taraf umang he umang dikh raha tha. Balloon, stars , ribbons , tharmocol aur rang biranga light Laga hua tha. Stage par ladkiya नृत्य (dance) kar rahi hai. Sabke chehre me Khushi he Khushi h. Program khatam hone ke baad centaclose bhi bankar aate aur sabhi teacher, mams, father, sister, brother sabhi ko aache aache 🎁 gifts dete. Baccho ko toffee kilate. Jeshus ke liye cake bhi father cut karte h. Es prakar se hamare school me Christmas day manaya jata hai. Program ke baad hamlogo ko lagbhag school me 20 dino tak ki chutti milti hai. Sabhi teachers aapne aapne gaw(village) chale jate h. Es baar chuttiya manane Mai nani ka Ghar nhi gya kyuki exam bhi bahut kareeb tha toh hame padhai bhi karni thi. Maine Puri chuttiya hostel me bitaya. Chuttiya me aache se padhai bhi kiya. Aab school bhi khul chuka tha. Bas kucch hi din ka mehman the school ke liye 31 January ko hamlogo ka farewell party bhi tha. Sabhi practical copy taiyar kar rahe the. Farewell se pehle sabhi practical copy jama karna tha. Dekhte dekhte din bit ta gya farewell bhi aa gya. Bacche hamlogo ki vidai ke liye taiyariya kar rahe the. Program bhi hui. Bahut bacche farewell ke baad roye bhi. Hamlogo ko nasta bhi mila. Yaha char solo tak rehne ke baad teachers sab se bacche bahut he jyada ghul mil jate h woh sari baate aaj yaad aa rahe the sabhi ko. Aisa lag raha tha jaise school nhi ghar chor ke ja rahe h. Chorne se pehle tak sochte rehte kab school se niklenge. Lakin nikalne ka time bara he muskil hota h yaar. Mam sab ki bari yaad aa rahi thi. Sister se bahut majak Kiya karte the hamlog uski bhi bahut yaad aa raha tha. Aab farewell khatam ho chuka tha sabhi koi selfie le rahe the teachers se. Bacche ek dusro ke shirt me aapna autograph de rehe the. Sab beeth jata h aur bhool bhi jate h bas yahi sab yaade reh jati h jindagi me. Aaplogo ke sath bhi sayad aise hua hoga. Aab exam ki taiyari bari joro se chal rahi thi. Dekhte dekhte exam bhi aa gya. First exam me kucch jyada he dar lagta h sara kucch parkar bhi jaw phir bhi baithte he bhool jate the. aisa hota h na sabhi ke saath. Aur last me likhte likhte time he Kam par jata. Isi prakar se aab exam bhi khatam ho gya tha. Aab lagbhag 45 dino baad result aata sabhi ko besabri se intezar tha. Kya Sandeep aache aankh prapt kar paye? Uske saath sath sandeep ke dosto ka kya hua? starting college life....... 45 dino baad....... Aab bas ek do din me he 10th aur 12th ka result Aane wala tha. Mai 10 din pehle hee hostel se Nani Ghar aaya tha. Mere Nani Ghar ke sare friends mere se 1 class aage the. Isiliye mujhe hamesha es baat ka dar rehta ki kahi kisi se mera number kam na aa jaye. Kyuki sabhi ne aache marks laya tha. Aur aab sabhi ye puch rahe the ki aage kon sa subject rakhoge. Mai bas sabko ye kehta ki result aane do tab decide karenge. Aur mai abb do din baad apna Ghar aa gya tha. Aur dusre he din result aa gya tha. Jis din aaya uss din subah me naha dho kar puja part kiya. Subah se mera dhadkan tez tha result ke bare me soch soch ke. Kareeb kareeb 1 baje mera result aata hai. Jaise he result aaya sabhi rishtedaro ka call aane laga tha. Mera pass ush waqt tak phon bhi nhi tha isiliye sab papa ko call kar rahe the. Har koi result he puch raha tha Mera marks 85%+ tha. Mere sabhi dost ka acche marks aaya tha. Sandip ka hamse adhik marks aaya tha lagbhag 90%+ . Rishav ka aacha number tha. Sabhi koi Mera marks jan na chah raha tha. Mai bass chup chap hokar baithkar dekhta raha. Mere papa ke dost bhi tabhi call kiye aur puche tumhara beta ka marks kitna h. Mere papa bole 428 aaya h lagbhag. Tab Tak me uske dost bole mera bhanja ka number aapke beta se jyada h. Ye sunte he papa ke muh se aawaj aaye beta aur jyada mehnat karna padega tumhe. Mai uss waqt kuch nhi bola. Maine bss man me socha jaroori nhi hai har koi imandari se exam me likhte honge. Lakin mujhe ye bhi maloom tha ki exam ke time Anish aur Manish jo mere class ke sabse badmas students the wo dono ka roll no mere aage piche tha. Woh dono mujhe exam me khub pareshan kiya tha. Hame aacha se answer compelete bhi karne nhi dete aur hame side karke likhne lagte. Mai kya karta. Mai woh dono ko bolta bhi ki mera likha hua hone do phir tum dono ko dikhate hai. Lakin woh dono mante kaha. Anish aur Manish ka bhi marks accha aaya tha. First division kiya tha. Rishav ka bhi first division tha. Ab mera parents mujhe science rakhke padhai karne ko bola. Mai aab mummy papa ka baat maan kar science ki coaching start Kiya. Mai godda me aapna Ghar me he rehta ab mummy papa ke saath. Aur meri dadi hamlogo ke saath rehti. Dada toh nhi the. Woh duniya se 4 saal pehle he vida ho chuke the. Godda me mere mama ghar ke mere friends pehle se coaching kar rahe the. Maine unhe logo se coaching ka pata lagaya. Maine April ke last week se start Kiya tha. Mai aabhi bas math , chemistry, ka tution kar raha tha. Physics kya bahot dur Jana padta tha Ghar se lagbhag 5 km. 11th me Maine English aur computer ka class nhi kiya tha. Yaha 10th ke mutabik syllabus jyada kathin tha. Kitabe bhi jyada motee thi. Subject 5 tha lakin kitabe 8 thi. Mai har roj pehle ki tarah acche se notes banata. Lakin dheere dheere notes me backlog lag jata toh kuch dino ke liya chor deta. New-new Coaching the new teacher the. Sab kuch pehle se alag tha. Pehle ki tution me 5-10 bacche hote the. Lakin yaha 100+ bacche ek batch me baithte. Yaha smart board lagbhag sabhi teachers ke pass the. Yaha Coaching mee bhi school jaisa feel hota. Mere koi friends aab tak jan pehchan ka nhi aaya tha yaha . Mai pehle din math ka coaching se shuruwat kiya. Uss din Mai math ke coaching ke bahar 8 am me pahuch gya tha lakin yaha start 8:15 tak me hoti thi. Abhi 7:00 bje wale batch ka he padhai chal rahi thi. Ek do banda he aabhi tution ke bahar khada tha. Mai ek ladka se pucha ki class kab start hogi. Woh lagbhag hamse ek safta pehle se aa raha tha. Unhone mujhe bataya.. kya aab dono saath me he baithte? next chapter.... author: sandeep Kumar