2nd year
1052 Words
Maine bataya tha ki mera 1st year kya exam ho chuka tha lakin hame result ki bahut chinta tha. Kahi fail na ho jay ye soch kar. Abhi result aane me time tha.
Lakin hamari 12th ka padhai start ho chuka tha. Yaha sabhi tution me 12th ki padhai bahut pehle start ho jati hai. Kyuki sahi samay me syllabus bhi complete karna padta hai. Uske baad revision bhi karwaya jata hai. Sabse pehle ganit me 12th ki padhai suru Hui thi. Maine apna ganit ka coaching badal liya tha. Mujhe aab pehle wala master thoda sahi nhi lagte the. Iss baar wala ganit ka master engineer bhi tha. Aur bahut he acche se padhate the. samajh me bhi bahut ache se aata tha. Dheere dheere sabhi coaching me padhai suru ho chuki thi. Maine iss bar English ka bhi class join Kiya. Physics toh online karta tha. Lakin bahut late se online batch liya tha. English ke master bhi bahut aache the. Woh hamlogo ko padhne ke baad school bhi padhne jaya karte the. Ab 2nd year tha aur padhna bhi acche se tha. Kyuki first year toh maine barbaad kiya tha. Khub Moj masti ki thi. Jiska regret aaj tak hi raha tha. Aur dar bhi laga rehta kahi result me lal sihahi na chal jay. Mere sabhi dost physics ka class offline ja rahe the siway mere. Mera dost sandip ne ganit ka master nhi badla tha. Woh pehle wala he master ke pass abhi bhi padh raha tha. Kyuki uski gff bhi wahi thi na isiliye sayad. Lakin hamari baatein hoti thi kabhi kabhi. Sandip, Vikash, Amul tino ek he room me rehte the. Kabhi kabhi Mai room bhi jata tha unlogo ka.
April ke antim safta me result aaya. Mere acche aankh nhi aaye the. Lagbhag 65-70 % aaya hoga. Mere dost sab ka mere se adhik tha. Woh sab name bhi ek he college me likhaya tha. Sab ka roll no bhi aage piche he tha. Isiliye exam me woh sabka ek dusro se madad bhi mil jata tha. Mai aapna college me kisi ko acche se nhi janta tha. Yaha tak ki master ko bhi ache se nhi janta tha. Toh exam time mujhe kahi se help nhi mil pata tha. Bhale he har exam me mera sabhi se kucch number kam jaroor aaya ho. Lekin phir bhi mai khush rehta. Kyuki mujhe maloom tha ki Maine exam imandari se likha hai isliye. Mere ghar wale naraz jarur hote the lakin Mai nhi. Kyuki Ghar Wale ko kya chaiye bas aapne bacche ke acche marks. Bakhi kaise marks aaye isse koi lena dena nhi hai.
Hamare jaise samaj me marks dekhkar logo ko parakhte hai. Lakin ye bahut hai. Kisi ki tulna marks se kabhi nhi karni chahiye. Kyuki agar koi bache ke school me marks kam aaye aur uskee mata pita usse apsabdh bolte hai. Jaise nalayak koi kaam ka nhi h. Na padhta hai aache se naa he marks late hai. Falana ka bacha tujhse acha h. Padhai bhi acche se karta hai marks bhi acche lata hai.....
Ye sabhi batein bahut kharab hoti hai. Kabhi bhi kisi gardian ko aisi baate apne bacche ko nhi bolni chaiye. Kyuki ye sab sunkar bacche ka dimag me bhi negetive vibration start hota hai. Woh bhi aapne aap ko nalayak, bekar samajhne lagta hai. Aur khud ko sab se kamjor samjhne lagta hai. Iss prakar usse dheere dheere aapne parivar se bhi nafrat hone lagti hai. Aur ye dimag me utpann negative vibration usse aur mansik kamjor banata hai.
Ek baat jaroor yaad rakhe "marks se he jivan chalta ho" Aisa nhi hai. Aur Aisa vichar galti se bhi aapne dimag me na aane de. Marks toh bas sikhaya gaye chizo ko apne kitne sadupyog kiya ye batata hai. Ye toh bas aapke saal bhar ka parinam hota hai. Jisme aapne kitne mehnat kiye usko aakha yani mapa jata hai. Mai kai udharan de sakta hu jinhone school chora lakin aaj bhi woh sab bahut safal aadmi hai. Matlab jindagi me sahi aadmi aur safal aadmi banne ke liye kabhi kisi ke marks se tulna na kijiye.
Amul aur sandip dono ke bich kabhi kabhi patri nhi jamta tha. Baad me amul wo sab ka room me rehna chor Diya aur alag room leke rehne laga. Mujhe kisi se etraaj nhi tha. Mai aab bhi pehle jaisa he sabhi se baat karta tha. Vikash ghar jata tha toh woh ghar me jyada din bitta deta tha. Woh godda me bahut kam rehta tha. Sandip ke pass Mai jata rehta tha. Mere tution ke bich me 1 ghanta time milta tha usi waqt Mai sandip ka room jaya karta tha. Wahi nasta bhi karta. Kabhi kabhi jaldi me meggi bhi bana lete aur khate dono mil kar. Phir time hone par dono apna apna tution chala jata. Kyuki dono alag alag tution jata karte the na. Mera sara tution
10 bje tak khatam ho jata uske baad mai ghar aata tha. Phir nasta karta nahata dhota Phir 1-2 ghante aaram karta. Mera Ghar me silai ka machine tha.
Mere papa kapde silai karte hai. Ek chota sa dukan bhi haii Ghar me. Mai saman bhi Lata hu bazar se dukan ke liye. Mere dukan me aadhiktar aabhi pan puriya , tambakoo bikta hai. Kyuki agal bagal jyada ghar nhi h. Isiliye rasan aabhi jyada nhi bikta hai.
Dheere dheere log bas rahe the. Bazar se 1.5 km dur tha hamlogo ke ghar.
Aab rishav bhi godda me arts ka class join kar liya tha. Har roj ghar se he auto me aata tha. Kabhi kabhi mil liya karte the hamlog Gandhi maidan me. Wahi samay bitaya karte the. Ham dono ki dosti bahut purani thi. Khul kar baate bhi kar pate the hamlog. Isiliye sayad aab tak dosti thi. Woh thode high class family se belongs karta tha. Mai toh middle class family se tha. Lakin woh hame bahut manta bhi tha. Ab hostel wala rishav jaisa nhi tha. Badal chuka tha usko bhi samajh me aa raha tha pehle ka aapna kiya dhara.
Lakin.. man me ek baat ki hichak sabko thi..sayad aapko bhi hogi..
Kya Sandeep ka koi girlfriend nhi tha?
Ya kabhi unhone kisi ko bataya nhi...
For next part you must read...
- Writer
