"ANO'NG GINAGAWA mo rito? Paano ka nakapasok?" Hysterical na tanong ni Tanya kay Dave. Nakatayo ito sa dulo ng kama niya at nakatingin sa kaniya. Kinuha niya ang kumot at tinakip sa katawan.
"Through your door? Saan pa ba dapat ako pumasok?"
Kinuha ni Tanya ang phone na nasa bedside table niya at chineck ang oras. Alas sais pa lang ng umaga!
"Alam mo ba kung anong oras pa lang? Ang aga-aga mong nang-iistorbo."
"Let's talk." Umupo si Dave sa kama at sumeryoso. "Please?"
"Kung tungkol kay Nathalia na naman, please, huwag mo na ako asahan na tulungan pa kita sa kaniya. Ayusin mo muna—"
"Panindigan na natin ang kasal natin, Tanya. Let's not runaway from our responsibility as husband and wife. Let's face this."
"Seryoso ka ba?"
"Pupunta ba ako nang ganito kaaga kung hindi ako seryoso? O
