Ang tumambad kay Ireta nang imulat niya ang mga mata kinabukasan ay ang seryosong mukha ni Lukas. Titig na titig ito sa kanya, tila may malalim na iniisip, habang nakaupo sa gilid ng kama. Hubad ito mula baywang pataas pero may suot itong kulay abuhing drawstring pants.
He looked good in the morning. Maging kamukha kaya nito ang pinagbubuntis niya? Lihim siyang napangiti. Sa loob ng mga taong magkahiwalay sila ay hindi nawala sa utak niya ang mithiing makasama ulit ito. Maging asawa nito, at maging ina ng mga anak nito.
Totoo rin ang sinabi niya rito noon na kapag nalaman niyang nag-asawa ito ng iba ay sisirain niya talaga ang mundo ni Lukas. Magiging parang peste siya sa buhay nito na ngumangatngat sa dahon ng palay. Ganoon siya kabaliw. Mali iyon, pero paano ba sitahin ang utak ng isan
