وريث الشيطان

لفصل_الاول وريث_الشيطان ******.....******....... ******.....******* بداية ف تلك الحياة نحن خلقنا بشر اولا لنسعي ف الارض لنعبد المولي عزوجل لنتبع اومره ونجتنب نواهيه ولكن عندما خلق الله الخلق لم يخلق البشر وحدهم ولكن خلق معنا الشيطان ليكون لنا غاويا اما نتبعه ضعفا او نجتنبه قوة وحبا بالله ولكن تشاء الارض ان تجسد الشياطين داخل البشر ليصبح هناك بشري حامل لقب الشيطان ف صالات ممارسة الكارتيه حيث يقف الخ**ان يتنازعا ع لقب بطل الجمورية ف الكارتيه ولكن العجيب انهن ليسوا رجالا ولكنهما فتاتان لم يتعدي عمرهم الثامنة عشر بعد اصوات من الهتافات داخل الصالة فمنهم من يشجع تلك النمرة الشرسه ...رغد الصياد.... كما اطلقوا عليها وهناك من يشجع تلك الفتاة مجهولة الهوية رغد :_ النزاع طال اوووي كدا وانا مليت ولازم ينتهي بس اكيد بفوز النمرة جهاد المنافسة لرغد :_ صدقيني مش هسيبك ت**بي يا رغد رغد لنفسها :_ انتهي وقت اللعب وجه وقت الجد وبحركة سريعه قد انهت ع خ**ها لتكون هي الفائزة بتلك المسابقة وحاملة ميدالة بطل الجمهورية ف الكارتيه مرت دقائق نصرها ف سعادة كبيرة لها وها هي حققت حلمها وحلم ابيها معها لتنتهي فقرة تكرميها وتبدل ملابسها سريعا وتتوجه للذهاب لرؤية ابيها فهو لم يحضر ولكن تلتقي بخ**ها الذي ليس بالهين ابدا لتقترب منها وتحتضنها لتقول جهاد ببسمة محبة وودودة :_ كان نفسي اهزمك يا رغد بس انت اللي هزمتيني يا صديقتي رغد بنفس البسمة :_ بس خالفتي توقعاتي فكرت هتضعفي ومش هتقدري تكملي بس طلعتي قوية يا جهاد بس للاسف انت جاية المباراة دي وانت عايزة تهزمي رغد بس نصيحة من صديقتي يا جهاد اوعي لم تحطي هدف تحطي هدف ع اساس شخص لا حطي هدف ع اساس ذاتك يعني انت مثلا جاية عشان تهزمي رغد من غير ما تفكري ازاي تهزميها انت حطيتي هدف بس للاسف مفيش وسيلة لتحقيق هدفك وده اللي عماكي اثناء المباراة يا صديقتي ولو مشيتي طول حياتك ع كدا هتفضلي تخسري حطي هدف لنفسك وعشان خاطر نفسك مش عشان تثبتي انك اقوي من حد او احسن من حد يا جهاد جهاد:_ شكرا لنصحيتك يا رغد واكيد مقبولة منك لكن صح واكيد هكون خ**ك ف مرة وهتشوفي شئ مختلف رغد :_ قولي ان شاء الله ومستنيه اشوف الجديد وسلمت عليها وتحركت تجاه سيارتها ركبتها وانطلق السائق تجاه قصر الصياد ...... ف السيارة....... رغد:_ عمو محمد هو بابا وسفيان ليه مجوش محمد :_ حسام بيه جاله تلفيون وهو جاي لحضرتك خلاه يرجع تاني وطلب ارجعك ع القصر بعد ما تخلص المباراة اومات له رغد ومالت براسها ع زجاج السيارة فهي منهكة القوة *****......********......*******......***** يقولون انه لا يمكن ان تجتمع الملائكة والشياطين ف مكان واحد .... ولكن ماذا سيحدث اذا اجتمعا ؟؟؟ فالحكاية ستسطر ع يد من ؟؟؟ من سيكون الخاسر ومن سيكون الفريسه ؟؟ الخير ام الشر ؟؟؟؟ وبالفعل اجتمعت الملائكة والشياطين داخل مكان واحد فقط لتدور معركة للصراع بين الخير والشر يقف ذلك الرجل الذي **ا الشيب راسه بكل برود وهو يقول :_ انت بتلف وتدور ع ايه يا حسام من الصبح وعايز تعرف ايه اظن انك عارف كل حاجه عننا من المعلومات اللي كلفت انها تتجمع عننا واظن عرفت كل حاجه فكرت انك لو عرفت هتكمل شغل معانا بس شكلك مش ناوي ع خير ابدا يا حسام قولي بقا كدا انت عايز ايه انا كنت عاوز ابعدك عشان مضحيش بيك لان اللي بيجي علينا ويفكر يأذينا للاسف بننهيه شغلنا ما يعرفش لا أب ولد بس شكلك اخترت اضحي بيك انا سيبتك تخرج عن طوعي بمزاجي وهرجعك تحت طوعي بمزاجي برضو حسام وهو يقف بكل قوة "_ جاي اقولك اني انا اللي هنهي ع امبراطوريتك دي يا شيطان تصدق انا لسه فاهم دلوقتي ايه سر لقب الشيطان وصدقت فيه بقيت شيطان من وقت ما خليت مص*ر رزقك مبني ع حياة الناس لما فكرت انك بتملك حياتهم لما بتمدهم بالسلاح وسموم بيهروا بيها جسمهم ومتعرفش ان فيه رب مطلع قادر ان يخسفك ف ثانية بس انا متأكد انه ع قد الظلم والجبروت ما طالوا ع قد ما النهاية بتكون اقوي واعنف الشيطان اتخلق من النار بس نفس النار اللي اتخلق منهاهي هي نفس النار اللي هتنهيه صفوت :_ خلصت محاضرتك عن الاخلاق يا حسام باشا بس تصدق ان انااللي غلطان لما سيبنك تخرج عن طوعي ف الاول وقلت اسيبه ده ابني برضو وانااللي بيخرج عن طوعي بيرحوا ومبيرجعش ابدا يا حسام وبعدين انت متقدرش تعمل حاجه لان معايا السلطة والقوة والنفوذ متقدرش تعمل حاجه اما النار هتحرقني فالاسف انا النار قبل ما تقرب مني انا بكون نهيت عليها حتي ولو كنت انت وقبل ما عدوي يعرز الشوكة ف ضهري انا بكون عزرائيل له حتي ولو كنت انت يا حسام واخرج سلاحه ورصاصة خرجت لتستقر بين اضلعه حسام وهو يتلفظ انفاسه التي ربما تكون الاخيرة :_ انت نهيت عليا ياصفوت بيه عشان تكون مطمئن ان السبب اللي هينهك معدش موجود بس صدقني هتنتهي ع يدي يا صفوت واعرف ان الشرمهما طال له نهاية وان كنت ظالم ففيه ربنا اسمه العدل وان كنت قوي ففيه الاقوي اعرف ان ربنا مبيظلمش ولا بيقبل ظلم انت اه نهيت عليا بس انا سايب اللي ينهي ظلمك ليتلفظ في ما بقي له من وقت الشهادتين وهو يدافع عن الحق فالبرغم من موت ولده امام عينيه وبيديه ولكن مازال جبروته باقٍ ولكن قبل ذلك كانت تقف منذ وقت تسمع كل ما قال والصدمة الكبري اخوها يسمع ويري ولا يتحرك وابن عمها الذي رعاه والداها لا ينطق بتاتا فكيف تخلوا عنهم اما انهم اسري للشيطان دخلت الي حيث ذاك التجمع وبركة الدماء غطت الارض لتقترب ومن اباها تحتضن راسه الي ص*رها وتقبل جبينه وهبطت دمعه ساخنه منهت وابت ان تضعف امام وحوش ان رأت ضعفها فتعرز انيابها لتمسح دموعها بقوة وكأنها تزجرها ع فعلتها وتغمض عيناه وتقول جانب اذنه قائلة :_ دلوقت فهمت ليه كنت بتقول خليكي قوية يا رغد علمتني القوة وحب الناس والخوف من اللي خلقني بس وحياة دمك اللي سايح ع الارض ده لاجيب حقك يا قلبي وعد عيني متبكيش ابدا غير وانا مخسره كل جبروته ده لتقف بكل عظمة وجبروت مماثل له قائلة:_ انت مفكر نفسك مفيش اللي يقدر عليك بس اقولك حاجه واحدة زمان كان فيه حاكم طاغي اسمه طاغوت ربنا جعل موته ف دبانه وانا هكون زيها كدا انا اللي هرسم البداية والنهاية يا صفوت بيه صفوت :_ وانت مفكرة انك ممكن تطلعي من هنا حية يا رغد بعد اللي شوفتيه وسمعتيه حتي وان طلعتي فاعتقد معندكيش قوة كافية عشان تقفي ف وش الشيطان اقتربت منه بخطي ثابته وواثقه قوية وكأنها ليست فتاة ذات السابعة عشر عاما ولكن وقت بقوة تضاهي قوته لتلتفت الي ابيها تنظر له ومن ثم تعود النظر اليه مرة آخري قائلة :_ وحياة اللي سايح ده ف الارض وهو ابنك وسندي انا وحياة الامبراطورية اللي انت بتتباهي بيها لاكون انا السبب ف دمار امبراطوريتك يا شيطان انا هكون خليفتك بس مش ف الشر يا صفوت بيه لا انا هقف ف وشك بس مش بشرك ده لا انا هزم شرك بخيري يا صفوت بيه انا هكون السبب ف دمارك لتقول بصوت عال ارتجا له القصر ......انا هكون الوريث اللي هينهي ع امبراطوريتك...... صفوت ضحك بشدة :_ حد قالك انك ممكن تطلعي حية من هنا اساسا بس عجبني التحدي معاكي انت صغيرة بس محدش فكر يقف ف وشي كدا زي انت ما وقفتي ف وشي هسيبك تطلعي والشاطر اللي يضحك ف الاخر يا شاطرة واعرفي انك مش قد الشيطان ورحل من امامها بعد ان اعلن نار التحدي اخرجت هاتفها واتصلت ع سيارة الإسعاف لتحمل والداها الي المستشفي هي متيقنه من وفاته ولكن يجب ذلك من أجل الاجراءت القانونية اغلقت الهاتف واقتربت من اخيه حتي وقفت أمامه وقالت :_ كنت مبسوطه اوووي وفخورة اني عند اخ زيك كدا يا سفيان وانا دلوقتي بلعن اليوم اللي فكرت اني اخدك مثل وقدوة ليا لانك للاسف متستحقش ومن النهاردة انا مليش اخوات لان اللي يشوف ابوه بيتصفي دمه قدامه ويفضل ساكت هيكون و**ة عار ليا انه يكون اخويا وتقدمت خطوتين للامام حتي توقفت امام ذلك الادهم :_ وانت للاسف ناكر للجميل بس اقول ايه ما انت من دمه يا ادهم معملتش حساب للراجل اللي رباك وسبته بيموت قدامك كل ده ليه يا ادهم يا ترا عشان خاطر تورث الامبراطورية دي بصفتك الحفيد الأكبر بس صدقني يا ادهم باشا والله العظيم ما هتنولها يا ادهم هدمركم واحد واحد وهتشوف وانت اولهم وتحركت من امامه حتي قرر قطع **ته قائلا :_ متحلميش يا رغد عشان اللي هيلعب معايا صدقيني يبقي بيقول للموت تعالي عشان تاخد روحي ومتنسيش اني فعلا اكتبت من زمن وريث للشيطان التفت له ولم تقل سوي كلمة واحدة :_ الايام ما بينا وهتعرف منه هو الشيطان الحقيقي انتم بقوتكم ولا قوتي قوة الخير اللي هتنهي ع قوتكم سمعت صوت صفير الاسعاف التي اتي وحمل والداها لتتوجه الي المستشفي بقوة لم يعلموا من اين لها بها *****.....******.....*****........********* بعد مرور بعض الوقت داخل قصر ذلك الشيطان هناك صوت جلبة واضحة وضحكات كفيلة لان تشعرك بالسعادة ضحكات ليس لها علاقة بعالم الشياطين ولكنهن ذوات ارواح ملائكية حمزة :_ والله العظيم انا اللي غلطان اني قولت لكم ان نيجي معاكم ايه كل ده مبتشبعوش شري والاهم رجلكم ما شاء ولا الصاروخ وكل ده لسه مخلصتوش خلصت روحكم جوري :_ كده يا حمزة بقا مش كله يهون عشان خاطر اختك حبيبتك حمزة بحنان محبب لها وهو يقبل جبينها :_ كله يهون عشان خاطرك يا قلب اخوكي حتي لو هتلفي وتلفيفني معاك العمر انت اللي باقية من بابا وماما جوري وهو تحتضنه :_ ربنا يباركلي فيك يا قلب اختك احمد :_ هو ايه ده هو انت مش كنت بتشتمها دلوقتي ولا انت بتجيب ورا ع طول اكمنها الدلوعة بتاعتك حمزة :_ ايوه يا احمد هي دلوعتي واختي وحبيبتي كمان عشان انا لو محبتش اختي وعملتها اللي عايزه مدام مش غلط مين هيعمله ليها انا بابا مات وسبها امانة ف رقبتي وانا مبخلفش بامانتي يا احمد وبعدين لو متغاظ مننا عندك اختك اهي دلعها وحبها بدل ما انت جامد وقاسي عليها قرب منها قبل هي ما تبعد عنك لان لو بعدت مستحيل ترجعها منك ياريت تفوق وبلاش حجود الشياطين ده ورحل من امامه قائلا ربنا يهد*ك يا احمد ويحنن قلبك ع اختك بنت امك وابوك يا بن عمي جوري كانت تقف حزينة ع اختها وابنة عمها بعد ان رأت لمعان الدموع باعينها خاصة بعد ان راتها ترحل بعيد صعدت تلك الملاك السلم لتخفي دموع اقسمت الا تظهر امام احد ذهبت لمكان واحد تجد فيه مسكنها الوحيد احتضن حمزة جوري من كتفها وقال بمرح :_ يلا يا ختي ع الله يطمر فيكي اللي بعمله دي جوري :_ ايه يا دوك ما احنا كنا ماشين عدل حمزة :_ اجري من قدامي قبل ما علقك زي المروحة يا جوري رحلت جوري من امامه وهي تضحك بينما هو ادار وجهه لينظر لصديقه ولكنه وجده مازال ع نفس الحال من القوة والجبروت ليقول :_ ربنا يهد*ك يا صاحبي وتعرف ان القسوة لو مشيت ع العالم كله مستحيل تمشي ع اهل بيتك لانهم لهم الحق ف حبك اللي مخبيه ورا قسوتك وجمودك *****......*******......*******.......****** ف غرفة المكتب يجلس ادهم ومعه سفيان ليقول ادهم وهو ينظر ع صديقه ليري الجمود ليقول :_ انت مش زعلان ع اللي عمله صفوت ف عمي يا سفيان سفيان :_ اكيد زعلان يا ادهم بس لازم تضحي بحاجة عشان ت**ب حاجات تانية كتير وحق ابويا هجيبه يا ادهم انا دلوقتي ضعيف بس لازم تكون قوتي ضعف قوة الشيطان عشان نهزمه ادهم :_ المشكلة ان شغلنا ميعرفش عواطف نهائى اظ تكون ذئب يفترس او تُفترس بس لازم نسيطر ع الامبراطورية دي اما بالنسبة لرغد سفيان بحدة :_ اياك واختي يا ادهم اياك ورغد اقسم بالله ما تقرب ناحيتها هتخرج شيطاني ادهم وهو يجلس بكل هدوء :_ انت اكتر واحد عارف يا سفيان اني مستحيل اقرب ناحيتها وان اكتر واحد بخاف عليها اكتر من روحي وتركه ورحل ********.......*******.....*****....******* ف المستشفي تقف رغد ف الطرقة امام الثلاجة التي تحتوي ع جسد ابيها ليأتي ف تلك اللحظة خالها ليقترب منها وهو يراها واقفة راسخه كجبل يخشي الخضوع إرسلان :_ ايه اللي حصل يا رغد رغد :_ صفوت قتل بابا بكل برود أرسلان بتفكير :_ عشان كدا حسام ادني الورق وقالي اعطيهولك بعد امتحانات الثانوية بتاعتك رغد :_ ورق ايه ده وهو فين انا عايزاه أرسلان:_ مش هقدر اديهولك دلوقتي يا رغد لان وعدت حسام نظرت له رغد وسكتت ليخرج الطبيب قائلا :_ تمام كدا يا حضرة اللواء ارسلان تمام يا دكتور رغد وكانت ع وشك ان تحكي شئ ليوقفها خالها قائلا :_ انا عارف كل حاجة يا رغد ابوكي كان حكيلي بس للاسف مفيش اي إثباتات ع جدك هو زكي اووووووي يا حبيبتي بس وعد هنجيب حق ابوكي نظرت رغد امامها نظرة غامضة امتلأت بالتحدي الفصل_الثاني وريث_الشيطان *****......******.....*******......******** مر اليوم يوم يحمل الكثير والكثير بداخله حل الليل ع السماء والارض وربما ايضا ع بعض وخاصة اذ كانت تلك القلوب اصبحت لن تحيا الا بالالم ذهبت مع خالها الي البيت لحين يحل الغد حتي يدفن والداها صعدت لتنام ولكن النوم قرر ان يقسي عليها ويحرمها منه خلف الشرفه تتطلع لذلك الظلام الموحش ليس ظلام الليل ولكن الظلام الذي يسكن جوفها تلمسته بيدها حينما وضعت يدها ع قلبها وكأنها تود خنقه لترتاح من ذلك الالم الذي يفتك بها فتكا وكأنه احد السموم بطيئة المفعول .... آه من ليل ظننت اني سأجد به السكن ... ولكن ف ظلامي ينمو المي ...يقولون ان الليل راحة .... ولكني لا اراه يزداني الا شجوا وحطام للابدي .... صرخة مكتومة تود ان تشق ظلام الليل ...ولكنها قررت ان تبقي اسيرة فمي .... يامن له راحة القلوب وال*قول .... دلني ان الي راحتي اسعي .. فأن انا كنت العبد الضعيف ... فانت صاحب القوة والقدر الاعظم ... عظم عذابك ع شياطين الارض والقلب...... ظلت واقفه لوقت ليس بقليل ابدا حتي دخل خالها عليها قائلا :_ رغد انت لسه واقفه ليه وليه ما نمتيش لحد دلوقتي يا حبيبتي رغد :_ معلش يا خالو معرفتش انام ارسلان يعلم ما تمر به ليقول :_ انا هبعتك ليكي صحبتك هي اللي هتنيمك انا عارف ريتاج من الخلف ببسمة لعلها تريح قلب صديقتها :_ انا سمعت ان جاني استعداد من سيادة اللواء ارسلان ومرضتش يتعب نفسه ويجي فجيت انا وادت التحية العسكرية ليقترب والداها منها ويقبل جبيبنها :_ ربنا يباركلي فيكي يا مغلباني واحتضنها وفتح الذراع الاخر لابنة اخته توجهت رغد اليه لتنظر لصديقتها ببسمة ممتنه ارسلان :_ انا هروح ارتاح شوية وانت كمان يا رغد ارتاحي يومك بكرا طويل يا حبيبتي ولازم تكوني رغد القوية اللي انا اعرفها واللي متن**رش ابدا ونظر لريتاج نظرة فهمتها جيدا وخرج بعدها توجهت رغد الي السرير وتمددت لتجلس ريتاج بجانبها وتمسك يدها تحتضنها بين راحتي يديها قائلة :_ رغد انا عارفة انك قوية وقوية اوووي كمان بس مش لازم تفضلي جامدة كدا انا عارفة انك النمرة اللقب اللي بتحبيه عشان بيظهر قوتك بس النمور كمان بتجي وقت وتضعف وتتعب بس بتقوم اقوي من كدا مهما كانت الظروف اللي انت فيها عندي يقين ان هتكوني اقوي انا مش هقولك متبكيش لا هقولك ابكي يا حبيبتي خلي قلب يرتاح يمكن دموعك تطفي نار قلبك اللي متأكده انها براكين ثيرة دلوقتي كانت كلماتها تلك عواصف ثارت بداخلها وسحب اتحدت ف السماء لتهطل امطارا من عينيها حتي قالت بصوت متقطع :_ قتله يا ريتاج قتل بابا قتل اللي فاضلي من الدنيا حتي اخويا افتكرت هيقف ف وشه وهيحمي ابوه من الموت للأسف كان زي الجماد وهو بيموت قدامه هما شافوا رغد القوية اللي جواها براكين لو ثارت قادرة ع ان تحرق الارض بمن عليها ولكن محدش شاف رغد الطفلة اللي لسه محتاجة لحضن ابوهأ عشان يطمنها من الخوف والوحدة اللي زي وحوش ضارية بتقطع ف قلبي من جوا انا اقسمت اكون قوية لما شفت دمه سايح قدامي وده مش وقت الضعف ابدا جزء الضعف والخوف اللي جوايا لازم امحيه باستيكه وارميها ف البحر عشان اللي هيتكتب مستحيل يتمسح لو السماء انطبقت ع الارض ريتاج وهي تنظر لصديقتها وتفرح انها جعلتها تفرغ عن مكنون ص*رها لعلها ترتاح ولكنها وجدت براكين ثائرة اقتربت منها وقالت :_ يلا ننام يا رغد عشان الدفنه بكرا وعشان الامتحانات قربت يا رغدتي اومات لها رغد وبدلتا ملابسهما واتجهتا للنوم ولكن ظلت ريتاج تملس ع شعر صديقتها وتعلم انها ستنام هكذا وغفت هي الاخري خارج تلك الغرفه هو كان يقف يراقب كل ما يحدث ليعلم ان تلك الصغيرة هي من ستكمل حرب بدأها ابوها حرب بين الخير والشر ليقول :_ دلوقتي عرفت ليه حسام اختارك انت يا رغد رغم انك بنت بس عندك قوة احسدك عليها وف نفس الوقت خايف عليكي من وحوش بس نسيوا ان لحمك مر ومحدش يقدر عليها صدق حسام لما قال انك هتكوني وريثه بس وعد هفضل وراكي احميك من اي حد يأذيكي وده وعد من أب تاني ليكي ******......*****.....******.......******** ف قصر الشيطان داخل غرفة مكتبه يجلس وامامه ادهم وسفيان ويوقع اوراق امامه موجها كلامه لادهم قائلا :_ ادهم انا عايزك تجهز لمؤتمر صحفي بعد بكرا ع الضهر كدا وتعملوا حسابكوا اننا هنحضر الدفنه بكرا نظر سفيان الي ادهم وهو لا يفهم شئ ولكن ذلك الادهم وعي لكل شئ يخطط له قائلا :_ حاضر يا جدي بس يا ترا رغد هتسمح انك تقرب من ابوها بعد ما قتلته نظر له نظرة غامضة وقال :_ متنساش يا ادهم ان محدش يقدر يقف ف وش الشيطان حتي لو كان من دمه وبعدين انا متأكد ان رغد مش هتقدر تعمل حاجه نهائي ف العزا اوما ادهم له وخرج هو وسفيان من المكتب ليقول :_ بدأ العد التنازلي للنهاية واكيد الفائز هو الشيطان وضحك ********* ف الخارج سفيان:_ انت فاهم حاجه من اللي حصل جوا ده يا ادهم ادهم بهدوء:_ جدك عارف ان رغد مش هتقدر تعمل حاجه قدام الناس وخاصة ان الاعلام خاد خبر عن وفاة حسام الصياد بطلق ناري بس من اعدائه ف الشغل كدا الشبه بعدت عن جدك لانك عارف نفوذه ده اولا ثانيا هو عارف ومتأكد ان رغد مش هتعمل حاجه وف نفس الوقت مش هتأذيه ف الوقت ومش هتسمح احد يأذيه لحد ما تنتقم منه سفيان "_ وانت هتعمل ايه يا ادهم نظر له ادهم نظرة وكأنه يقول اترك ما عليا فعله للزمان فلن أفصح عنه ******.....*******......*******.....******* ف غرفة ملك تجلس ع السرير وعيناها تذرف الدموع دخلت عليها جوري ببسمة لم تفارق وجهها ابدا قالت :_ ممكن اعرف ملاكي بتعيط ليه ملك :_ انت مش عارفه يا جوري زعلانه ليه انت شايفه احمد عامل ازاي محسسني اني عدوته بس والله انا معملتش حاجه ليه نفسي اما اكون خايفه هو اللي يجي يطمنئى يا جوري نفسي يفرحني زي حمزه ما بيعمل كدا هتصدقيني لو قولتلك اني احيانا بغير منك لما بشوف حمزة بيعاملك ازاي بس عمري ما اتمنيت لك شر جوري وهي تجفف دموعها :_ انا عارفه يا ملك بس انا متأكده ان احمد طيب وجدا كمان بس احنا مش عارفين هو اتحول كدا ليه واتاكدي يا ملاكي ان مفيش انسان بيبقي ع حاله دايما احنا البشر عاملين زي الزمان بنتقلب زيه بس الانسان القوي هو اللي ميخليش التقلابات دي تأثر عليه وهقولك احمد لو جامد غيره بمحبتك ليه يا ملك لو هو شيطان خليكي انت الملاك اللي يهزم الشيطان الظاهر ويطلع الخير اللي جواه وبعدين بطلي نكد وتعالي نشوف فيلم حلو نسمعه ضحكت لها ملك واتجهت لتفتح التلفاز ووجدت خبر تدوالته الإعلام عن مقتل حسام الصياد والقاتل مجهول ملك بدموع قوية :_ عمو يا جوري جوري ببكاء لم تستطع اخفائه :_ ان لله وان اليه راجعون ان لله وان اليه راجعون واقتربت من ملك اهدي يا ملك عشان خاطر رغد ملك بتساؤل :_ واضح ان الكلام ده من زمان بس فين رغد وليه الكل ساكت ولا كأن ف حد ميت هنا جوري بجهل :_ مش عارفه يا ملك بس تعالي نشوف حمزه يمكن يعرف *********** ف غرفة حمزه كان قد سمع الخبر هو الاخر وقال ف نفسه :_ عملتها يا جدي عملتها عمال تقتل ف ولادك واصحابك عشان خاطر مصلحتك صدق من سماك شيطان بس انا لازم اتصرف واطلع انا واختي من هنا وانقذ اللي باقي مننا لازم نبعد عن الشيطان لان لو فضلنا هنا هتكون جحيم دخلت جوري وملك عنده وقفت جوري امامه باكية :_ حمزه صحيح عمو مات حمزه:_ ايوا يا جوري مات العصر يا جوري ملك :_ رغد فين يا حمزه وليه البيت ميدلش ان فيه حد ميت الوضع عادي حمزه:_ رغد مش موجودة وتقريبا عند خالها وسفيان هو اللي هنا ليكمل روحوا ناموا توجهت الفتيات لينمن حتي يكونا بجانب رغد ف الغد توجه حمزة الي الصالة الرياضية وجد سفيان هناك كما توقع وقف امامه ولكمه ف وجهه قائلا بغضب :_ سبته يقتل ابوك يا سفيان وحولك لشيطان زيك حولكم كلكم لشياطين تقسوا ع اقرب الناس لكم بس انا مش هسمح له يعمل كدا عارف ليه لان هاخد اختي واطلع من هنا وكفاية عليه انت وادهم واحمد انما انا لا سفيان :_ لو طلعت من هنا هيخلص عليك يا حمزة لو خايف ع اختك وع نفسك اقعد يا صاحبي ادهم من الخلف:_ سيبه يا سفيان يعمل اللي عاوزه نظر له سفيان ولكن بداله بنظرة غامضة فهمها جيدا حمزة :_ انا بعد العزا بكرا هبعد وهروح مكان محدش يعرف مكاني فيه لا انا ولا اختي ولكنه قبل ذهابه احتضن اصدقائه قائلا :_ مهماحصل ومهما عملتم هتفضلي صحابي واخواتي بس نفسي تبعدو وتعيشوا ف النضيف بعيد عن الدم والوجع اللي ساكن قلوبكم رغم انكم بتدروه بس متأكد ان جو فيه وجع كفيل انه يقتلكم بس مفكرين انكم بتدواه بالجمود سلام يا صاحبي *****......*****......******..........******* نهار يوما جديد وشمس ساطعه ولكنها حارقة اتشع الجميع بسواد لا يلائم ضوء النهار ابدا تقف هي ع جانب بعيد عن الناس يقف أخوها وجدها ويبكي ولكن لا تدري أ هذه دموع حقيقه ام انها خداع مثل باقي حياته تري اخيها وتري الان**ار الحقيقي والدموع المتحجرة ف عيناه وذلك الشيخ الذي يقف ويرتل آيات من الذكر الحكيم والادعية للمتوفي وذلك الجسد المفلوف بقماش ابيض يغطي جسده يحملونه ع الايدي ليضعونه ف ذلك المستقر الاخير له ذلك المشهد العظيم الذى نراه كل يوم تقربيا تقف تنظر للجميع وكأنها تحفظ الملامح تلك للمرة الاخيرة نظراتها غامضة مظلمة وكأنها مغادرة تلك الحياة ايضا من خلفها يقف جوري وملك وريتاج الواقفة بجانبها لتتقدم ملك وجوروهماتحتضنها قائلة :_ البقاء لله يا رغد رغد تبادلهما العناق :_ البقاء لله وحده ملك :_ كدا تسيبني وتمشي يا رغد انت عارفه احنا بنحبك قد ايه رغد :_ معلش يا ملاكي كان لازم امشي بس متخفوش هتشفوني ع طول ووقفا بجانبها حتي انتهوا من الدفن وخرج الجميع ولم يبق غير سفيان ورغد سفيان هو يقف امام قبر والداه قائلا :_ هتوحشني يا بابا اوووي رغد فاكره اني مش زعلان عليك وانا بشوفك بيتصفي دمك قدامك بس انت علمتني اني لازم اكون اذكي من اعدائي عشان اعرف اهزمهم انا صح انهزمت بموتك يا قلبي بس وربي واللي خلق الخلق ده لاجيب حقك وحياة دمك اللي كان بيتصفي قدامي واختي اللي بعدتي عني وفكراني عدوها لادفع الظالم التمن وادوقه من ظلمه انا بس عايزك تسمحني وادار وجهه ليجدها واقفه امامه تقدمت وتركته واقف وتوجهت امامه حتي وقفت امام القبر جلست امامه ع الارض وامسكت حفنة تراب قبلتها وقالت بدموع:_ هتوحشني اوووي يا بابا بس انا وعدتك انا هستحمل واكون قوية عشان انا مش زي اي حد انا رغد الصياد النمرة هعمل كل اللي انت عايزاه عشان عايزك وانت عند ربنا تكون فرحان ومبسوط بيا يا قلب بنتك انا هسيبك دلوقت ووعد هجي ازورك كل شوية سلام يا غالي استودعك عند الله كان يقف خلفها وتمني كم لو استطاع احتضانها ليطمئن ذلك القلب الجريح ولكن القرب اصبح محرم عليه بعدت بخطواتها عنه ولكن قلبها ظل حبيس داخل ذلك القبر دفنته معه ورحلت بخطي لم تعرف انها ستكون البداية او النهاية نفسها