HINDI AGAD nakagalaw si Tallulah sa mga naging tanong ni Kendric sa kaniya. Halo-halong emosyon ang nararamdaman niya. Kinikilig siya sa ginawa nitong effort para sa proposal nito kahit alam nitong nagsinungalin siya sa binata pero sa loob niya'y hindi buo ang desisyon niya para sa tanong nito.
Handa na ba siya para tanggapin ang binata bilang magiging asawa niya at makakasama habang buhay? Ito na ba ang tamang panahon?
Tinikom niya ang kaniyang bibig at napalunok. Tiningnan niya si Kendric na nakaluhod pa rin sa harap niya habang may hawak itong box na mayroong singsing. Maraming bumubulong sa isip niya at hindi niya alam kung bakit kailangan niyang isipin si Gael sa magiging desisyon niya.
"Yes! Yes!" sigaw ng mga guro at magulang na naroon. Bakas ang kilig sa kanilang mga mukha. Sino
