┈┈┈┈◦•✩•◦┈┈┈┈
Sa bahay na pansamantala nilang tinutuluyan, halos mabaliw na sila sa sobrang kaba. Ni hindi na mapakali sina Heidy at Hailey, parang ang bawat tunog, bawat kaluskos na naririnig nila ay may dalang banta sa kanilang buhay. Panay ang lingon ni Heidy sa paligid, ang mga mata niya ay naglilibot, tila naghahanap ng kahit na anong puwedeng daanan palabas upang matakasan na niya ang kawalanghiyaang nagawa nila sa isang Trenz Mathias Jones. Gusto na niyang makaalis sa lugar na 'yon at makalayo. Gustong-gusto na. Pero kahit anong plano ang pumasok sa isipan niya, alam niya na wala na siyang magagawa pa dahil sa dami ng nagbabantay sa kanila.
Kaya kung ano man ang plano na pumapasok sa isipan niya... walang silbi. Walang mangyayari, lalo pa at sinigurado na ni Trenz na hindi na sila
