موسم المطر

969 Words

‌‌﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉ ‌ ✨قبل بداية الفصل لاتنسى دعمى ان اعجبتك الرواية، لا اسمح بتداول هذه الرواية بدون اذن او مراعاة حقوق الطبع و النشر و حقوق الملكية الفكرية ، اتمنى لكم قراءة ممتعة و شكرا✨ ‌ ‌‌﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉ ‌ دخلت مى ثم ذهبت الى غرفة الاستقبال لتجد كل من يجلس بالغرفة تقريبا ينظر لها نظرة اشمئزاز غير مبررة فى نظر مى التى ابتسامة مزيفة و هى تقول : السلام عليكم ثم جلست بجوار ابراهيم الذى لا تزال على وجهه ملامح لا تبشر بخير نظر ابراهيم بجدية شديدة لمى و اخبرها : مى سكان العمارة قررو انك لازم تمشى خرجت مى عن مشاعرها نهضت من على الكرسى و انفجرت فيهم صارخة : ليه هو انا عملتلكو حاجة غلط ! ؟ صرخت سيدة مسنة من الموجودين فى مى و قالت : لما تيجى العمارة فى انصاص الليالى و معاكى واحد تبقى غلطى مى : دا كان جاى يوصلنى بعدين معايا واحد معايا سحليه محدش ليه دعوة ! ! رد احد الرجال الموجودين : احنا مش ممكن نقبل واحدة زيك تعيش معانا فى العمارة عشان تفسد اخلاق عيالنا غضب ابراهيم و امسك الرجل من رقبة قميصه و صرخ فى الموجودين و قال : لو اتكلمت عليها بنص كلمة هقطع لسانك انت فاهم كانت هذة اول مرة ترى مى الجانب الغاضب من ابراهيم حيث اعتادت على ابراهيم الهادى اللطيف استجمعت مى كل قوتها وصرخت فيهم جميعا : انا اصلا كنت همشى مين عايز يعيش مع عالم وسخة زيكو ! ! ثم اخذت حقيبتها و خرجت من المبنى بينما تحاول التماسك و عدم البكاء ، بعد ان ابتعدت مى بضعة شوارع عن المبنى اتصلت على محمد * رنين * . . . . . . * رنين * . . . . . . * رنين * . . . . . . محمد : الو يا مى فى ايه ؟ مى : ايوا يا محمد ، جبت معاد جديد و لا لا ؟ محمد : مال صوتك ؟ ! مى : جبت المعاد و لا لا ؟ محمد : ايوا بعد نص ساعة فى الكافية الى احنا متعودين نروحو مى : عندى ليك خبر حلو ! محمد : من امتى الحداية بتحدف كتاكيت مى : حداية ايه هوا انا بكلم خالتى ؟ ! محمد : انجزى قولى فى ايه ؟ مى : بقيت بدور على شغل و شقة محمد : بتهزرى صح ؟ ! مى : بتكلم جد محمد : هكلمك بعدين لما اقلاقى حل * اغلق محمد الخط فى وجه مى * مى فى نفسها : فى اوقات زى دى بسأل نفسى دايما هو البحر منين بس قبل ما الاقى الاجابة بسمع صوت بابا و هو بيقولي ان كل حاجة بتحصل مهما كنا فاكرين انها وحشة هى دايما احسن حاجة ممكن تحصل ممكن تكون بتحصل عشان تمنع عننا حاجة اوحش بس المرة دى انا متأكدة ان مفيش اوحش من كدا . ثم تسير مى نحو المقهى المتفق عليه و تنتظر الرجل الذى ستقام معه المقابلة * بعد فترة * دخل شاب انيق يرتدى بدلة الى المقهى ، كان كريم الذى ارتطمت سيارته بمى ، ذهب كريم بكل غطرسة نحو مى ثم جلس على نفس طاولتها ، بينما تعلو وجهه ابتسامة بها قليل من الشر قائلا : اتأخرت ؟ ! صدمت مى من وجوده لكنها صدمت اكثر من وقاحته قالت مى بكل ثقة : مكنتش مستنياك اصلا ! نظر كريم فى عينى مى ثم قال : متأكدة ؟ ! قالت مى و هى بالكاد تكبح غضبها : ايوه و ابعد عنى عشان مستنية حد مهم كريم : و الحد المهم دا اسمو كريم يوسف عبد الهادى مش كدا ؟ ! مى بكل هدوء و ارتباك : اه ثم اخرج كريم بطاقة الهوية الخاصة به لمى ، انصدمت مى بعد رؤيتها بطاقة الهوية خاصته حيث انها اكتشفت ان الشخص الذى عليها مقابلته هو كريم ، ابتسمت مى ابتسامة مزيفة ثم قالت : تحب تشرب ايه ؟ بيعملو هنا عصير فراولة تحفة لازم تجربو ! كريم بكل غطرسة و برود : مرة تانية . . لو عايزة تقولى حاجة بسرعة عشان عايز امشى مى : طب و المقابلة ؟ كريم : مش مهم قوليلهم اى حاجة اخترعى اجابة مى: ابوس ايدك فى واحد هيتقطع عيشو لو المقابلة دى متمتش كريم بينما يحافظ على غطرستة قال : هعمل المقابة بشرط مى بلهفة و قلق : ايه ؟ كريم : تيجى معايا كام مشوار مى: مشوار واحد بس كريم : ماشى ترددت مى قليلا ثم وافقت على الذهاب معه ، خرج الاثنان من المقهى ليركبا السيارة ، فتحت مى باب السيارة الخلفى نظر كريم لمى ثم قال : انتى بتعملى ايه ؟ مى بكل عفوية : هركب رد كريم : لا اركبى قدام مى : ليه ؟ كريم : * تنهد * عشان لو ركبتى فى الكرسى الى ورا هبقى السواق الخصوصى بتاعك اغلقت مى الباب و ركبت بجوار كريم بينما هما فى الطريق سألت مى كريم : هو احنا رايحين فين ؟ كريم : ملكيش دعوة ! بدأت مى تشعر بالرعب يتسلل داخلها لكن كان هناك صوت يخبرها بان تثق بكريم بعد دقائق قررت مى ان تكسر الصمت مى : انت عندك كام سنة ؟ كريم : ملكيش دعوة مى : طيب كريم : انتى عندك كام سنه ؟ مى بغطرسة : ملكش دعوة اوقف كريم السيارة فجأة ثم فتح الباب الذى بجوار مى اشارة لها ان تنزل ✨ يتبع ✨ ‌ ‌‌﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉ ‌ ✨اتمنى ان تكون روايتى قد نالت اعجابكم لاتنسى الدعم اذا اعجبتك الرواية، اراكم فى الفصل القادم✨ ‌ ‌‌﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉

Free reading for new users

Scan code to download app

App Store Google Play

Facebookexpand_more