ALAS cinco pa lamang ng umaga ay gising na si Aifa. Hinanda na niya ang lahat ng gamot ni Luke at naglaan talaga siya ng oras para sa mangyayaring pilitan na naman sa pagitan nila mamaya. Alam niyang hindi madaling paamuin ang katulad ni Luke at hindi agad ito susunod sa mga sasabihin niya ngunit kailangan niyang gawin ang trabaho niya.
Naibalita na niya sa kaniyang ama na nasa kamay na niya ang buong tatlong daang libong piso na pambayad sa pagkakasangla ng bahay at lupa nila. Sinabi rin ng kaniyang kapatid na si Aicer na ito na mismo ang kukuha ng cheque sa kaniya kasama ang papa nila. Labis ang pasasalamat ng kaniyang ama at mga kapatid sa kaniya. Pakiramdam ni Aifa ay nabunot ang malaking tinik sa kaniyang dibdib. Kaya nakatulog siya ng mahimbing kagabi at maayos ang gising niya kina
