IBINAGSAK ni Aifa ang katawan sa ibabaw ng kaniyang kama dahil sa pagod. Unang araw pa lamang niya bilang private nurse ni Luke at hindi niya sukat akalain na ganoon pala kahirap pakisamahan ang binata ngayon. Ibang-iba sa Luke na nakikita niya noon. Napailing siya nang maalala ang huling pag-uusap nila bago ito naaksidente.
Nakaramdam siya ng magkahalong lungkot at awa para sa binata. Sino ba naman ang hindi magagalit sa mundo? Niloko siya ng fiancée niya. Pinaniwala ito ni Adriana na nagdadalangtao ito. On top of that, natuklasan pa ni Luke na pinagtataksilan siya ni Adriana. Kung sa kaniya nangyari iyon ay baka gawin din niya ang ginagawa ni Luke. But Aifa immediately shook her head. Hindi iya ganoong uri ng tao. Hindi niya sisirain ang sarili dahil lamang sa pagkabigo. She is a stron
