KATULAD ng sinimulan nila, pagkatapos maligo ni Luke ay bumaba sila sa hardin upang magpasikat sa araw. Pakiramdam ng binata ay gumagaan ang pakiramdam niya sa bawat araw na kasama niya si Aifa. He felt more comfortable around her. Iyong tipo na hindi na siya nag-aalangang sabihin ang lahat ng nasa loob niya. In an instant, she became his confidant.
“Bakit hindi ka lumipat sa silid dito sa ibaba, Luke? Para naman hindi ka na mahirapan sa tuwing bumababa ng hagdanan,” suhestiyon ni Aifa habang minamasahe ang kaniyang binti. He could feel his leg now, hindi katulad noon na tila hindi niya nararamdaman ang kaniyang binti. Nakakaramdam pa rin siya ng pangingilo sa kaniyang balakang ngunit hindi na ganoon katindi noong una dahil araw-araw na siyang umiinom ng gamot. He felt like all his burde
