NAGING magaan para kay Aifa ang sumunod na araw na pag-aalaga kay Luke. Hindi na sila nag-aaway. Nagkakasagutan ngunit hindi na nagbibitaw ng mga masasakit na salita patungkol sa kaniya ang binata. Nakikita niyang gusto rin nitong tulungang mapagaling ang sarili.
Kagagaling pa lang niya sa silid ni Luke nang maabutan niya si Doña Celestina sa living room. Nagbabasa ang donya ng pambabaeng magazine. Nang makita siya agad siya nitong tinawag.
"Aifa."
Mabilis na lumapit si Aifa sa donya. "Bakit po?" Umupo siya sa tabi nito nang tapikin nito ang bakanteng upuan sa tabi nito. Napansin niya ang kakaibang kislap sa mga mata ng donya nang tumingin sa kaniya.
"Thank you for your effort, Aifa."
Gumuhit ang tipid na ngiti sa labi ng dalaga. "Hindi niyo po kailangang magpasalamat, Ma'am. Gina
