LAYLAY ang balikat na ibinaba ni Aifa ang kaniyang cellphone. Katatapos lamang niyang tawagan si Jecille. Kinapalan na niya ang mukha niya at sinabi sa kaibigan ang problema niya. Unfortunately, Jecille didn’t have that kind of money. Ayon sa kaibigan ay na-ospital ang nanay nito at dalawang araw pa lang na nakalabas mula sa ospital. Ang natira sa ipon nito’y hindi pa umaabot ng limampung libo. Sinabi ni Jecille na maaari nitong ipahiram iyon sa kaniya ngunit tinanggihan na niya. She knew her friend needed the money for her mother’s treatment and recovery.
Marahas na naisuklay ni Aifa ang kaniyang mga daliri sa kaniyang buhok. Wala na siyang naiisip na maaari niyang mahingan ng tulong. Hindi niya sukat akalain na magagawa pa ng mama niyang itakbo ang pera na para sana’y pantubos sa inutan
