HINAHANDA na ni Aifa ang gamit para sa pag-uwi. Katatapos lang ng shift niya at naroon siya sa nurse’s quarters. Papalabas na siya nang marinig na tumunog ang kaniyang cellphone. Nakita niya ang pangalan ni Jecille sa screen kaya agad niyang sinagot ang tawag.
“Je,” bati niya sa kaibigan.
“Labas tayo!” agad na bungad sa kaniya ng kaibigan.
Napakunot ng noo si Aifa. Iyon ang unang pagkakataon na niyaya siya ng kaibigan na lumabas simula nang pumasok itong private nurse ng isang matandang mayaman two years ago.
“Himala yatang nagyaya ka. Akala ko ba wala kang day off?”
“Naawa sa akin ang boss. Aba, dalawang taon na akong hindi nakakapag-enjoy ng sinasahod ko sa kanila. Karapatan ko namang lumabas at makisalamuha bilang isang normal na tao.”
Aifa laughed. Totoo ngang walang day of
