MABILIS na nakahanap ng puwesto sina Jecille at Aifa nang makapasok sa loob ng magarang night club. Wala rin namang nagawa si Jecille nang sabihin ng manager ng club na wala silang babayaran kahit ni singko sentimo sa lahat ng kakainin at iinumin nila roon. Sa huki ay si Rome pa rin ang nasunod sa kagustuhan nitong sagit nito ang lahat ng expenses nila. Bagamat wala roon ang boss ni Jecille ay nagpa-abot naman ito ng mensaheng mag-enjoy sila ngayong gabi.
“Ugh. Nakakainis talaga ang lalaking iyon. Pati ba naman dito sa labas ay wala akong kalayaang gawin ang gusto ko!” reklamo ni Jecille na nagsimulang lantakan ang pagkaing hindi naman nila alam kung ano’ng pangalan. Sosyalin ang club na iyon at nasisiguro niyang sosyalin din ang pangalan ng mga pagkain. May ilang kumakain rin doon at a
