MUGTO ang mga mata na humarap si Aifa kay Delia. Habang ang head nurse ay matamang nakikinig sa mga sinasabi niya.
“Hindi ko na po alam kung ano ang gagawin ko, Ma’am. Wala akong maisip na ibang paraan para mabayaran ang utang ni mama.”
“Magkano ba ang kailangan mong pera?” tanong nito.
Nagpahid ng luha ang dalaga. “Three hundred thousand pesos po, Ma’am.”
Hindi naikaila ang gulat sa mukha ni Delia ngunit mayamaya ay napabuntong-hininga. “I don’t have that kind of money, Aifa. May maipapahiram ako sa ‘yo ngunit maliit na halaga lang. Bakit hindi mo subukang mag-apply ng calamity loan para may pandagdag ka?” suhestiyon ni Delia.
Mabilis na umiling si Aifa. “Nakapag-apply na po ako ng calamity loan noong kinailangan ko ng pambayad sa tuitions ng mga kapatid ko po, Ma’am. Nakadalawa
