Hindi ni Leslie namalayang naidlip na pala siya kakaisip sa mga bagay-bagay at nagising na lang siya sa mga haplos ni Matthew sa pisngi niya.
“Good evening sleepy head. How’s your sleep?”
Tuluyan siyang napadilat at napatingin dito. Masuyo nitong pinagmamasdan ang mukha niya habang may tipid itong ngiti sa mga labi.
Bigla naman siyang napalingon sa gawi ng bintana dahil sa sinabi nito at nakumpirma niya ngang gabi na pala.
“Gabi na pala. Kanina ka pa ba dumating?” hindi niya sinagot ang tanong nito at patay-malisya siyang dahan-dahang naupo sa kama.
Hindi na lang niya bubuksan ang topic tungkol sa pagpunta roon ng ex nito. Malamang ay sinabi naman na ng guwardiya kay Matthew ang tungkol doon. Pero ang pagkakaroon niya ng insecurity tungkol doon ay sasarilinin na lang muna niya sa
