“Ang ganda mo, bakla! Hindi na talaga ako nagtataka na nahumaling sa’yo ang gwapong bilyonaryong iyon!”
Iiling-iling na napatingin siya kay Charlie sa salamin.
Araw ng kasal nila ngayon ni Matthew at kakatapos lang siyang ayusan. Suot niya na rin ngayon ang isang mamahalin at napakagandang wedding gown na dinig niya ay gawa ng isang sikat na Pilipinong designer na naninirahan na sa ibang bansa.
Wala siyang masyadong alam sa fashion pero hula niya ay milyon-milyon ang halaga ng wedding gown na iyon dahil ganoon na lang mamangha si Charlie nang makita siya at mabistahan nitong maige ang suot niya.
Sunod naman nitong pinasadahan ng humahangang tingin ang mukha niya.
Dati, madalas ay nakalugay lang ang buhok niya o kung minsan ay nakatali ng simpleng pony tail. Hindi rin siya halos n
