“Are you tired? Gusto mo ako naman?”
Napalingon siya kay Matthew habang katabi niya itong naglalakad sa lawn sa loob ng bakuran nila.
Kasalukuyan nilang pinapaarawan si baby Max habang nakasakay ito sa stroller na itinutulak niya. Nasa likod naman nila ang yaya ni baby Max at nakasunod lang ito sa kanila.
Parang ang bilis lang lumipas ng mga araw. Ilang buwan na rin ang nakalipas nang mabawi nila si baby Max mula kay Chelsea at ngayon ay masaya na silang namumuhay ng tahimik.
Nakakulong na ang Tiya Minerva niya. Nakakulong na rin si Chelsea. Siguro naman ay wala nang magtatangka pang manggulo sa buhay nila.
Hinigpitan na rin ni Matthew ang seguridad sa bahay nila dahil nagdagdag pa ito ng guards at CCTV cameras. Bale may apat na guwardiya na sa umaga at apat din sa gabi. Ang dalawa ay
