“Magpahinga ka na dahil bukas ng gabi ay magsisimula ka na sa bago mong trabaho.”
Ngumisi pa sa kanya ang Tiya Minerva niya bago siya nito iniwan sa kwartong iyon.
Paano naman siya makakapagpahinga kung ganitong para siyang hayop na itinali sa isang upuan? At paano siya makakapagpahinga kung alam niyang nanganganib ang baby niya? At ilang oras lang ay ipapain na naman siya nito sa mga lalaking hayok sa laman. Hahayaan nitong pagpasa-pasahan siya ng mga kalalakihan para lang sa pera. Kaya paano matatahimik ang isip niya?
Maya-maya ay nakaramdam siya ng pagkaihi kaya tinawag niya ang Tiya niya.
“Tiya…. Tiya… pwede po bang kalagan niyo ako? Naiihi po ako. Tiya…”
Di naman nagtagal ay bumukas ang pinto at pumasok ang nakabusangot na Tiya niya. Mukhang galing ito sa paghiga at mukhang
