حسن:
- ربنا يبعد عنك الحاجات دى ياعم سيد ، كتر خيرك على الشاى.
عم سيد:
- خير ايه يا بيه بس،دى حاجة بسيطة،انت بس متبقاش تيجي النواحي دى بليل لواحدك، الحتة هنا مش امان للي ميعرفهاش
ضحكت وانا بقوله:
- متقلقش يا عم سيد ، بعد اللى انت قولته ده هفكر الف مرة قبل ما اخد حتة الارض ، يلا اسيبك انا بقى علشان ارجع قبل الدنيا ما تبقى ليل ، انا قلقت بعد اللى انت قولته ده .
عم سيد:
- طيب يابني استنى اطلع معاك على الطريق.
حسن:
- لالا يا راجل يا طيب ، متقلقش انا مش جبان للدرجة اللى تخليني اخاف اطلع على الطريق ، وبعدين لسه الدنيا نهار.
عم سيد:
- توصل بالسلامة يابني.
فعلا سيبته و مشيت رجعت للبلد ، و فضلت قاعد فى المكان اللى بقعد فيه لحد بليل ، كنت قاعد على فارغ الصبر ،مش عارف ليه عايز ادخل البيت ده ، مش عارف ليه عايز اعرف شكله ايه من جوة ، وفى نفس الوقت كنت عايز اعرف ايه سر التخاريف اللى
