استقلا سويا السيارة،وكانت "راقية"شاردة قليلا،فهى الان قد تيقنت أن هذا المكان يحمل سراً ليته يكون مجرد سر،ولكن ما بداخلها يحسها على ان هذا السر جالب للعنات كبيرة،تتمنى ان تبعد عنها دون ادني خسائر.
راقية:
-مصطفى،احكيلى كده هما قالولك ايه بالظبط عن المكان ده.
مصطفى:
-كلام كتير يا راقية والله،مش فاكره كله،بس اللى خدت بالى منه،ان فيه بنت غرقت فى الشاطئ قصاد البيت عندنا،ناس بتقول امها هى اللى رميتها فى البحر،وناس تانية بتقول ان امها سابتها لواحدها والبنت هى اللى نزلت البحر لواحدها وغرقت.
راقية:
-طيب وليه الست تعمل كده فى بنتها؟
مصطفى:
-اللى اتقال ان البنت دى كانت تعبانة،عندى مرض جلدى مالهوش علاج،الست خافت ان المرض ده يتنقل لباقى اولادها،فقررت انها تتخلص من البنت،علشان كده رميتها فى البحر،او سابتها هناك بليل لواحدها باين،وبيقولوا ان اللى بيروح عند الشط بليل بيسمع صوت البنت دى وهى بتنادى ع
