Hatim or maryam
Chapter 1: Rani Maryam Be-Hosh
Sunehri Saltanat par ek naik Badshah ka raaj tha. Uski Rani ka naam Maryam tha. Rani Maryam bohat haseen aur naik dil thi. Awam usse Maa jaisa pyaar karti thi.
Unka beta Shehzada Hatim 18 saal ka tha. Hatim diler aur bahadur tha.
Ek din mahal me jashn tha. Padosi riyasat se Shehzadi Mahnoor jashn me aayi thi. Rani Maryam ne uska khoob isteqbal kiya.
Raat ko Kaale Paharon ke Jadugar ne kaala jadu kiya. Ek kaala dhuwan Rani Maryam ke kamre me dakhil hua. Subah Rani Maryam hosh me nahi aayi.
Hakim ne kaha, Malika par kaale jadu ka asar hai. Iska ilaj sirf Koh-e-Kaf ka Sunehra Phool hai. Wo phool saat samandaron paar hai. Agar 7 din me na aaya to Rani kabhi hosh me nahi aayegi.
Badshah pareshan ho gaya. Tab Hatim aage aaya aur bola, Main apni Maa Rani Maryam ke liye wo phool lene jaunga.
Hatim apni talwar aur ghore ke saath safar par nikla. Raste me use ek bhooka sher mila. Hatim ne use apni roti de di. Sher uska dost ban gaya.
Aage Jadugar ke kaale bhediyon ne Hatim par hamla kiya. Hatim ne bahaduri se unka muqabla kiya aur jeet gaya.