BUMALIK na sila sa ospital. Nagtiyaga si Matthew na maghintay sa kanya sa ibaba dahil tumanggi itong sumama sa kanya sa pagbalik sa hospital room ng papa ni Greg. Naiintindihan naman ni Gemma na nakadarama ito ng pagkailang maski paano.
Pagkaabot niya ng pasalubong niyang pagkain ng mama ni Greg ay nagpaalam siyang pupunta sa chapel ng ospital. Iniwan niya sa kuwarto si Greggie upang hindi ito makagambala sa kanya.
Gusto niyang umusal ng kahit maikling dalangin para sa lahat ng naganap sa kanyang buhay. Gusto niyang ipagdasal ang recovery ng papa ni Greg pero lalo niyang gustong ipagdasal ang tungkol sa kanila ni Matthew.
Isang babae ang nakaupo sa bandang unahan ng chapel nang magtungo siya doon. Nakayuko iyon at tila nagdarasal din. Maingat siyang pumuwesto sa bangkong nasa likuran ni
