“IYAK KAMI nang iyak noon, akala mo ba? Lalo na si Nanay. Dalawang linggo yata siyang hindi halos kumakain. Iniisa-isa nila ni Tatay ang mga pulubing natutulog sa bangketa dahil baka daw kinuha ka ng sindikato at pinagpapalimos sa lansangan. Nanawagan din sila sa radyo at TV pero walang nangyari. May tumawag sa amin na nanghihingi ng ransom. Kinagat ni Tatay sa kagustuhang mabawi ka pero wala ding nangyari. Hindi naman ankipagkita ang taong iyon kay Tatay at kay Ate. Kasama si Ate Pining nang tutubusin ka sana,” mahabang kuwento ni Lourdes sa kanila ni Gemma.
Pauwi sila sa Cabiao. Dumating ang isang pansamantalang magbabantay sa nanay nila na ipinakilala sa kanya ng kapatid bilang pinsan. Tutal naman ay natutulog ang nanay nila kaya hindi na rin sila makapaghintay na makarating doon upan
