Maliit na salo-salo sa loob ng bahay namin ang naganap. Magaling magluto ang Mamang kaya naman proud akong ipatikim kay Black ang mga niluto ni Mama ko. Limang putahe ang niluto ni Mama.
Kinamatisang dilis, pininyahang manok, adobong baboy at manok, kaldereta, menudo at syempre hindi mawawala dito sa probinsya ang pinakapaborito ng lahat, ang kare-kare na may espesyal na alamang, ang pampalasa ng especial kare-kare ng Mamang. Mahal sa ngayon ang mga seafood kaya hindi raw muna bumili si Mama ng mga ‘yon, alam niyang mahilig din ako roon, lalo na sa hipon, talaba, tahong at saka alimango. Wala daw silang budget sa ganoon kaya ito lang daw ang naihanda nila. Wala namang problema sa akin ‘yon. As long as nandito sila sa tabi ko okay na ako doon bonus na lang itong mga handa nilang pagkain s
