Malapit na kami ni Ravena sa kwarto ng mahal na reyna nang makarinig kami ng sigaw mula sa isang tagapagmasid. Agad na tumalima si Ravena upang marinig nito kung ano ang balitang dala ng kanilang tauhan.
"Nandito na ang kalaban!” malakas na sigaw nito at inulit pa iyon ng tatlong beses bago umalis at nagtungo sa ibang bahagi ng palasyo upang ihatid ang masamang balita.
Tahimik akong ngumiti at nag-ingat na hindi iyon makita ni Ravena. Hindi ko iyon maaaring ipinahalata sa kanya upang hindi masira ang magandang plano ng aking Ina at ni Zeus.
“Bilisan mong maglakad kailangan tayo ng mahal na reyna,” baling sa akin ni Ravena. Marahas nitong hinila ang aking kamay upang makarating kami agad sa silid ng reyna.
Aligaga ang mahal na reyna nang makarating kami sa silid nito. Yumukod kaming
