Ang pagsalakay ng mga Sirikan ay nagdulot ng takot sa buong Lalawod.
Kahit saan, ang langsa at lasa ng dugo ay namamayani. Nagkalat ang mga sinumpang Sirikan sa paligid at mahigpit na nagbabantay. May mangilan-ngilang mga Puti ang daraan at aalis din patungo sa kung saan man sila nanggaling. At sa kalayuan, ay nagmamasid ang halimaw na mameleu.
Hindi alam ng mamamayan ang kanilang gagawin. Ngayon lang nangyari ang ganito sa kasaysayan ng Lalawod. Mahabang panahon na sila ay namuhay sa kapayapaan.
Ang kanilang mga kawal ay mabilis na nagapi ng mga Sirikan at mababangis ng mga Puti. At kahit na sa kanilang mga tirahan, batid nilang sila ay hindi ligtas. Kung sana ay hindi nagkaroon ng karamdaman ang Punong Maayo, hindi sana ganito ang nangyayari.
Isang malakas at mahabang alalad ang nara
