HINDI ko na mabilang kung ilang beses akong napabuntong hininga habang pinagmamasdan ang sarili sa harap ng body mirror. Light lang ang make up na in-apply ko sa aking mukha at ang mahaba at alon-alon kong buhok ay hinayaan ko lang nakalugay. Naka-suot ako noon ng off shoulder floral maxi dress. Si Tyrone ang bumili ng dress na ito at gusto niyang ito ang isuot ko ngayong gabi.
Satisfied naman ako sa repleksyon na nakikita ko sa salamin ngunit hindi ko talaga maiwasang hindi kabahan ng mga sandaling iyon. Ilang sandali na lang kasi ay magdi-dinner kami ng pamilya ni Tyrone sa mismong bahay nila, o mas tamang sabihing sa mansyon nila.
Sa sobrang tense na nararamdaman ay hindi ko man lang namalayan ang pagpasok ni Tyrone sa loob ng aking silid. Kanina pa siya nasa sala at naghihintay sa ak
