TULAD ng pinangako ko kay Athena ay nagpunta kami sa mall para bumili ng mga bago niyang laruan.
Nakangiti ako habang pinapanood ang anak ko na masayang pumipili ng mga laruan. Hinayaan ko lang siyang kunin ang lahat ng gusto niya. Kaya nga ako nagtatrabaho nang husto ay para maibigay ang lahat ng luho ng anak ko. At isa pa, ito na lang ang p'wede kong gawin para mapunan ang isang bagay na kulang sa buhay niya, ang pagkakaroon ng isang ama.
Mayamaya ay naramdaman kong may tumulong luha sa aking mga mata. Siguradong mas magiging masaya si Athena kung makikilala niya kung sino ang tunay niyang ama.
Kaya lang wala akong choice kundi ang ilayo ang anak ko sa pamilya Imperial. Ito lang ang tanging paraan para makapamuhay kaming dalawa nang ligtas at matiwasay.
Mayamaya ay napabuntong hining
