Pagkalabas niya’y nag-tali siya ng buhok at alam niyang ayaw ng ginang na iyon na naka-lugay ang kanyang buhok. Pagkatapos ay maingat siyang lumabas at sumakay ng elevator.
Sa harap ng pinto ng ginang na pinangakuan niya na magkakape sila’y huminga na muna siya ng malalim saka kumatok. Agad nag-unlock ang pinto kaya pumasok siya sa loob at as usual ay madilim ang unit nito.
“Magandang gabi po sa inyo,” bati niya sa ginang na nangangape nga.
“Good evening, Isabella,” tugon ng ginang. “Please, have a seat.”
Umupo si Isabella kung saan naka-harap siya sa babae at nasisilayan niya ang magandang mukha nito. Lahat sa ginang na ito ay maganda, maliban nalamang sa mga mata nitong nag-liliyab sa galit.
“I finally earned their trust, Mariella.” May nakakalokang ngite sa mga labi ni Isabella.
