هى وشمس

البارت الثانى عشر

هى بس بتمر ب*روف صعبه اليومين دول وكانت لوحدها فى الشقه زى مقولتلك . .

كتر خيرك يحبيبى متشكرين . .

عمر : الف سلامه عليها وان شاء الله تقوم بالسلامه ولو حصل اى حاجه اتصل عليا اخوك فى الخدمه . .

احمد : متشكرين يحبيبى والله عارف الى عندك يا اخويا

ومشا . .

شمس زقت احمد وقالتله وراحت تجيب عصير بعد مزعقت لأحمد . .

شمس : عاوز عصير اى يا احمد ؟

احمد : اى حاجه من ايدك حلوه والله يا روحى

شمس : وقته هو دالوقتى ؟ هااا ااه منك ااه .. وبعدين دا انا هشتريه مش هعمله بأيدى

شمس : انا هدخلها العصير ده .

احمد : وانا هروح اجيب قهوه . .

شمس دخلت من الباب وقعدت جنب ايه على السرير . .

ايه جايه تشيل ماسك الأ**جين . .

شمس : لاء . . متشيليهوش يحبيبتى . .

"‏أذكر أنك أخبرتني يومًا

أن لكل فرد غرفة مظلمة في منزل روحه.

ترى هل وضعتني هناك ؟

في غرفتك المظلمة ؟ "

انا عارفه انى جيت عليكى بس سامحينى

ارجوكى سامحينى . .

ايه بصيتلها ونزلت الماسك وقالتلها . .

ايه : انا مسامحاكى بس متأذوهوش . . متأذوش اخويا ارجوكم دا اخويا الوحيد من لحمى ومن دمى انا مش هقدر اشوفكم بتقتلوه سيبوه يمشى ارجوكم

شمس : طبيعى تبقى خايفه عليه علشان اخوكى . . بس اخوكى دا كلب . . دا مكنش خايف عليكى اكتر مكان خايف من باباكى وانتى ولا كنتى فارقه معاه اصلا هو ده اخ ؟ هو ده انسان اصلا ؟

شمس : اخويا دا الولد الوحيد والحيله . . . بالنسبه ل اهلى كل حاجه واهلى ادوله كل الدلع الل فى الدنيا دى للأسف

شمس : انا هحاول علشان خاطرك انتى بس . .

احمد دخل فى الوقت ده . .

احمد : القهوه يا استاذه . .

وبضحك . . الف سلامه عليكى . . كدا خلتيها تشك فيا !

ايه ب ابتسامه : معلش . . انا اسفه والله

شمس خرجت تشرب القهوه بره مع احمد . .

شمس : انت هتعمل اى فيه يا احمد . .

احمد : هقتله . . .

شمس : انا مش بهزر يا احمد . .

احمد : ولا انا كمان بهزر . . انا هقتله بالبطئ . . .

شمس : يووه . . طيب واخته !

بص احنا هنروحها . . .

احمد : وافرضى انها قالت ل أهلها. .

شمس : لا مش هتقول . .

احمد :اموت بس واعرف ايه الى خلاكى متأكده كدا . . .

شمس : انا بقول كفايه عليه لحد كدا ونخلى اخته تكمل معانا الكدبه ونسيبه وخلاص . . .

احمد : لا والله منا سايبه دالوقتى دا هو الى جالى برجليه . . .

فى اللحظه دى عُمر جه . . .

احمد وشمس دخلوا وراه . . .

عمر وهو باصص بأبتسامه ل ايه . .

عُمر : ها حاسه ب ايه دالوقتى !

كأن روحك رجعتلك صح ؟ !

ايه : هزيت راسها ب اه . . .

عُمر : مش هنسمع صوتك النهارده ولا ايه ؟ !

شمس : لا هنسمع ان شاء الله . . .

احمد كان واقف عند الباب وشمس راحت وقفت وراه وقالتله . .

شمس : هات القهوه لو سمحت . . .

احمد اتدير علشان يديلها القهوه . .

شمس بتبص لقيت شريف داخل من الباب وبسكينه وموجهها ناحيه احمد وخلاص هيض*به . .

شمس وقفت قدام احمد بصريخ : لاااااااااااا . .

احمد : شاااامس .

كان خلاص شريف ض*ب السكينه فى بطن شمس . .

واحمد كبايتن القهوه وقعوا من ايده . .

وايه فضلت تصرخ كتير جدا جدا

وعمر نده على الأمن .. .

والأمن مسكوا شريف قبل ميتحرك . . . . .

احمد رمى القهوه ومسك شمس بين ايديه . . . .

وعمر طلع يجرى على شمس وبدء يصغط على الجرح ويقول بصوت عالى ترولى بسرعه وحضروا اوضه العمليات. . . . .

شريف والأمن ماسكه عمال يقول بزعيق .

شريف : ولسا هتشوف يا احمد والله لقتلك . . . .

احمد بقيت ايده كلها دم وهو واخد شمس فى حضنه . . .

وشمس بتتنفض ومبتسمه وباصه ل احمد وبتقوله . .

شمس : وهفضل برضوا احبك حتى لو مُت اعرف انى حبيتك ل اخر نفس . . .

احمد حاضن شمس وبيعيط وعُمر والدكاتره بياخدوها منه وهو مش راضى يسيبها . .

اخدوها منه بالعافيه . . .

احمد قام وقف وبص ل اخت شريف وقالها . . .

احمد بزعيق : لو ماتت هقتلك مكاانها . . . . انتى ساااااامعه . .

وطلع جرى وقف قدام اوضه العمليات . . . . .

بعد عشر دقايق . .

بعد عمر مخرج ل احمد . . .احمد طلع جرى على اوضه ايه . . .

ومسك رقبتها وبيخنقها وهو بيقولها . . .

مااااتت اخوكى قتلها دا انا مش هرحمكم . .

ماااتت . . .

عـمر بعد مبلغ احمد بخبر وفاتها . . .

طلع جرى وراه وفضل يزقه ويبعده عن ايه . .

واحمد كان فى صدمه كل حاجه حصلت بسرعه . كل حاجه حصلت ورا بعضها واحمد كان باين قدام الكل انه مش قادر يستحمل صدمه موتها وكمان مش قادر انه يصدقها بأى شكل من الأشكال الممكنه للاسف الشديد

احمد مسبش ايه من ايده غير بعد ما عمر عطاله حقنه مهدءه . . اول م ايده سابت ايه . . .

ايه كانت بتحتضر مش قادره تاخد نفس واحد . . .

عُمر حاول انه يسعفها وينعشها تانى بالجهاز وفضل يضغط على قلبها . .

وفعلا قدر انه يحقق ده وينقءها ويرجعها للحياه تانى قبل فوات الاوان وكمان هى لو كانت ماتت كان احمد هيروح السجن ويقضى بقيت حياته هناك وشريف هو الى هيعيش حياته بره السجن ويجى علي المساكين والغلابه بفلوس اهله وبمستواهم الاجتماعى وسط المجتمع الى بيفرق بين الغنى والفقير والى بيدوس على الفقرا والمحتاجين وبيرفع القبعه بس للى معاهم فلوس وللأسف ده المجتمع الى كلنا عايشين فيه للأسف الشديد جدا .

وبعد مرور اسبوع . . .

‏

ولكنك تعلم جيداً بأني لم أكُن يوماً عدواً لسُوء مزاجيتك وسوء حديثك بل كنت اعانقك بجميع حالاتُك يا حبيب القلب

# يتبع .

# شمسى .

# ساره _ محمد .