"Naglalasing ka na lang palagi, Brax," komento ni Nova nang umuwi ito sa condo niya at naabutan siyang inuubos ang alak sa bote. Nagpunta ito sa malaking bahay nito dahil may aayusin daw.
"Pampatulog lang..."
"Pampatulog o para makalimot sa sakit? Akala ko'y tanggap mo nang wala na kayong pag-asang magkabalikan ni Maliyah, Brax. Pero nang makita ko ang lihim mong pag-iyak kanina ay mali pala ako ng akala."
"Tanggap ko na, Nova..." Mula sa balintataw niya ay naroon ang masayang mukha ni Maliyah at Luke nang banggitin na nagdadalantao ang babaeng laman pa rin ng puso niya. "Pero hindi ko lang maiwasang masaktan. In my mind, I have that illusion that Maliyah still loves me. Or still have feelings for me even a portion of her heart. May anak kami eh, doon ako kumakapit ng pag-asa na isang
