"Nasaan ang Ma'am Nova mo?" tanong ni Braxton nang puntahan niya ang mansyon ng mga Ramos. Mula nang umuwi sila sa Amerika apat na buwan na ang nakalilipas ay hindi na tumuloy ang dating asawa sa apartment niya. Dinadala niya na lang ang anak dito kapag hinahanap ni Brantley ang mommy nito.
"Nasa likod ho, sir. Inaayos ang mga halaman."
Tumuloy siya sa kinaroroonan ni Nova na ngayon ay abala sa kung ano-anong pananim. Naka simpleng t-shirt na lang at pantalong maong, bumagsak na ang katawan, at hindi na rin lumalabas para makipagsosyalan sa mga kaibigan. Malayo na ang dating Nova na una niyang nakilala; sopistikada at mataray. Ngayon ay laging mahinahon na lang kung magsalita ay ipinagsasawalang kibo na lang anuman ang dumadaang problema sa kumpanya ng pamilya nito.
Ang nagagawa nga na
