Nagising si Maliyah nang may pumpon ng bulaklak sa tabi niya. Binasa niya ang maliit na card na nakaipit doon.
' Hope these flowers make you smile. I love you.'
Hindi niya napigilang mapangiti. Bumaba siya sa kama at mabilis na naghilamos. Magaan na ang loob niya ngayon; napalipas niya ang bigat ng pakiramdam sa buong magdamag. Today is a new day. And today is her wedding day.
Paglabas niya sa banyo ay naroon na si Luke sa silid niya. Agad siyang ngumiti nang lumapit ito at hapitin ang baywang niya.
"You're smiling again..."
"Thank you for the flowers."
"So... Magpapakasal ka na sa 'kin?" alanganin nitong tanong. Pinisil niya ang ilong ni Luke.
"Oo nga sabi eh. Sino bang nagsabi na hindi? Kumain na ba ang mga bata?"
"Papunta pa lang sa komedor. Gusto nilang kasabay kang kumain ka
