From the journal of Martin Alarcon
The Two Roses
Sa awa ng mga nakasabay namin sa biyahe ay sinabihan nila kaming huwag nang bumaba sa sasakyan. Malapit nang gumabi, baka ano pa ang mangyari sa amin. Dagdag pa ng iba ay mayroon silang alam na pwede naming matuluyan pansamantala. Nandoon iyon sa resort na daraanan pa lang namin. Kaya walang rason para mangamba. Kung gusto raw naming bumalik doon sa paradahan ng mga jeep, bukas ay pwedeng-pwede raw naming gawin iyon. Ngunit kung ngayon ay napakadelikado na.
Dahil sa nakumbinsi ay kumalma kaming dalawa ni Azelf. Bakit nga ba kami kinakabahan, ang layo na kaya ng nalakbay namin? Doon nga sa kagubatan, kahit na may humahabol pa sa aming mga armadong lalaki, ay ligtas kaming nakaalis roon. At ngayon na ito na lang ang problema namin, napakabi
