أضاءت قلبى بعد ظلمته

 فى مقر المخابرات العامة - القائد:  رعد المهمة  دي صعبه جدا ولازم تتنفذ بدقه والجاسوس ده لازم تجيبه حى لازم نعرف هو جاى مصر ليه والشبكه ال شغاله معاه الموضوع ده يكون سرى جدا يا رعد انت عارف ان فى خاين وسطينا ولازم نعرف هو مين رعد: تمام يا فندم متقلقش حضرتك العمليه دى هنفذها انا وعدى وهنجيبه النهارده باليل القائد: تمام يا رعد اتفضل انت على مكتبك وشوف هتعمل ايه انت وعدى رعد: تمام يا فندم وراح على مكتبه (مؤدياً التحية العسكرية) فى مكتب رعد اتصل على عدى رعد: عدى انت فين عدى: جاي فى الطريق فى حاجه رعد: ايوه مهمه جديده النهارده هنفذها عدى: تمام ١٠ دقايق وهكون عندك (بيقفل رعد مع عدى وبيفكر فى خطه للقبض على الجاسوس وفجاه تلفونه رن) رعد: ايوه يا بابا عثمان: ايوه يا رعد ينفع تجى دلوقتى رعد: فى ايه يا بابا قلقتنى عثمان: عوزك تسافر معايا الامارات لعمتك رعد: ليه حصل حاجه عثمان: جوز عمتك مات وانا لازم اروحلها عشان نخلص اجراءت سفره لانه هيتدفن فى مصر وعمتك وولادها هيرجعوا معانا رعد : البقاء لله بس مش هينفع اجى معاك عندى مهمه النهارده ومقدرش اسيب الشغل خلى سيف يروح معاك عثمان: خلاص يا رعد هشوف سيف خلى بالك من نفسك  رعد :حاضر يا بابا لما توصل هناك كلمنى (قفل معاه والباب خبط ودخل عدى) عدى: صباحو يا باشا رعد: اهو صباح تعالى عدى: يا ساتر خير مالك مدخن على الصبح كده ليه رعد: مفيش مدايق شويه والمهمه صعبه وجوز عمتى اتوفى وبابا كا عوزنى اسافر معاه عدى: البقاء لله رعد: الدوام لله خلينا فى الشغل عدى: تمام خلينا فى الشغل ايه الاخبار وصل حاجه جديده عن جاك رعد :ايوه قدرنا نحدد مكانه وهنقتحم النهارده وعوزين نجيبه حى عدى بانفعال : حي ايه دى انا عوزه اقطعه رعد اهدى احنا لسه عوزين نعرف مين ال بيساعده من جوا الجهاز وايه ال عوزينه يعملوه الفتره ال جايه عدى: ماشى المهم حطيت خطه للهجوم رعد: ايوه بص احنا هنجهز الساعه ١٢ بليل هكون انا وانت واحمد واسامه ومحمود وانور ويوسف و٠٠٠ عدى: طب وشريف رعد: بص شريف لا انا مش مرتحله من اخر عمليه لان اخر واحد عرف المعلومات وبعديها قدر جاك يهرب ومعرفناش نمسكه عدى: عندك حق انا برضوا مش مرتحله  رعد: دلوقتى الخطه كلاتى انا هاخد المجموعه ال معايا وهننزل من فوق العماره وانت والمجموعه المعاك هتطلع من سلم العماره اللى ورا انا وانت هندخل فى وقت واحد انا هدخل من الشباك انا والمجموعه ال معايا وانت من باب المطبخ وخلى بالك يا عدى لازم السرعه والدقه فى التنفيذ. دول ناس مدربه وممكن يدمروا المكان قبل ما نقبض عليهم عدى: متقلقش احنا وحوش وهيشوفوا اسود ايام ان شاء الله رعد: ان شاء الله ربنا معانا روح على مكتبك جهز نفسك وبلغ مجموعتك ومتقولش على المكان ال رايحينه فاهم عدى: متقلقش كله هيكون تحت السيطره اسيبك اجهز نفسى ونتقابل بليل رعد: تمام ربنا يوفقنا   (فى الامارات فى فيلا صغيره) نجد سيدتان فى اواخر الاربعينات تبكين  بشده  يرن جرس الباب والخادمه تفتح عثمان:  مدام امينه موجوده الخادمه:  نقولها مين عثمان: انا اخوها الخادمه : اتفضل حضرتك اسفه معرفش حضرتك (ودخل عثمان ووراه سيف) امينه اول ما شفته اترمت فى حضنه وبدموع :عثمان شفت ال حصل احمد مات وسابنى عثمان بيحضنها وبيطبطب عليها: ربنا يرحمه يا حبيبتى لازم تجمدى عشان خاطر البنات هما فين امينه: فى اوضتهم بيعيطوا مش مصدقين ان باباهم خلاص مات عثمان: ربنا يرحمه وانا زى والدهم تعالى يا سيف سلم على عمتك سيف بيحضنها: البقاء لله يا عمتى امينه: الدوام لله يا حبيبى كبرت يا سيف مشفتكش من ١٠ سنين عثمان: اه فعلا ١٠ سنين انا كمان مشفتش البنات من ١٠ سنين زمنهم كبروا انا هطلع اشوفهم امينه: طيب بس تعالى عزى حنان اخت احمد عثمان: البقاء لله يا مدام حنان حنان رغم دموعها وحزنها على خوها وتقدم عمرها لكنها تختفظ بجمالها ورقتها رفعت وشها وبهدوء: الدوام لله يا عثمان بيه عثمان: اعجب بهدوئها وجمالها عثمان: احم انا طالع للبنات روح يا سيف شوف الاجراءات وخلص كل الورق سيف: حاضر يابابا بعد اذنكم وطلع عثمان ل بنات اخته وخبط باب اوضتهم فيروز بدموع: ادخل عثمان: حبايبى  فيروز وعيونها حمرا من كتر العياط: خالو واترمت فى حضنه بابا مات عثمان: الله يرحمه يا بنتى انا زى بابا جوريه ودموعها مغرقه وشها: ازيك يا خالو عثمان: جورى حبيبتى واخدها فى حضنه كبرتوا يا بنات مشوفتكمش من ١٠ سنين, انا زى بابا  وبص على بنت قاعده على السرير وبتعيط جامد مين دى يا فيروز فيروز : دى جومانا بنت عمتو حنان عثمان فى نفسه بسم الله ما شاء الله حلوه زى امها وراح نحيتها وقعد جمبها وشدها لحصنه وطبطب عليها: اهدى يا بنتى انا زى باباكى جومانا بدموع: بابا مات وخاله حصلوا عثمان: وانا هبقى مكانه يا حبيبتى اعتبرينى زى بباكى وخالو  وصدقينى هتكونى عندى زى فيروز وجوريه جومانا: ربنا يخليك يا عمو ونزل عثمان يشوف سيف خلص الاجراءت عشان نزولهم مصر بليل رعد وعدى جهزوا نفسهم وكل واحد بلغ مجموعته بالخطه وبدأوا الهجوم ودخل عدى ورعد الشقه فى نفس الوقت حسب الخطه وبدءوا الهجوم كان رعد بيقتل اى حد ب**ر رقبته او ض*به بسكينه وعدى كان بيعمل زيه عشان يقدروا يوصلو ل جاك  وميهربش وفعلا قدر رعد وعدى يوصلوا للاوضه ال مستخبى فيها  رعد خبط الاوضه برجله ولقا جاك قدامه :وقعت يا ابن الكلب ده انا هوريك ايام سوده زى البلد ال انت جاى منها  وبيخبطه بالقلم وعدى بيكتفه وبيشده جاك :انا عاوز اكلم السفاره بتاعتى عدى: سفارة ايه يا روح امك قدامى يا ابن الكلب لولا عاوزينك حى لكنت قطعتك ورميتك لكلاب السكك وكانت هتق*ف تاكل لحمك المعفن رعد:  متقلقش هنعمل فيه كده بس بعد ما ناخد منه اللى احنا  عاوزينه اخدت كل ال فى الشقه يا عدى عدى: كله تمام يا فندم فى مقر المخابرات فى اوضه القائد رعد:  تمام يا فندم جاك تحت فى اوضة العزل وكل الاجهزه والورق اللى  فى المكان جبناها وفيهم قايمه الاغتيالات ال كانو هينفذوها القائد: احسن يا وحوش كنت عارف انكم قد المهمه روحوا ارتاحوا عشان ده كان يوم صعب عليكوا عشان تقدروا تستجوبوه بكره رعد وعدى: تمام يا فندم وبيخرجوا من الاوضه شافوا شريف فى وشهم شريف: باستفزاز اهلا ب الابطال رعد بصله من فوق لتحت باستحقار ومردش اما عدى : ايوه يا شريف فى حاجه شريف: عرفت انكم مسكتم جاك مش كنتم تقولولى اجى معاكم رعد ولا كانه سمع حاجه يلا يا عدى عدى: سلام يا شريف شريف بعد ما مشيو نهايتك على ايدى يا رعد وهاخد منك كل حاجه و٠٠٠٠ يتبع………..