١

1639 Words

هالرواية مـُو مجرد روايه عاديه وحُبِ بس! هالروايه بيها عبرة ... وبيها من واقعنه أخذتهاً .. وبيها اخطاء بنات بالجامعة واشياء صارت دفعنّ ثمن غالي... هوايه غالي... وياريت الگل ياخذ العبره ولـو مجرد شي بسيط بس يمكن يفرق عدنه هواي.... #انا والمشـّوه ______ شمس.. صوت غريب بصف رأسي ... خلأني افـز مرعوبة من حلمي الجميل... طلع صوته لفوني -المنبه- لزمته وطفيته وخنگته بالمخده... كعدني منِ حلم ولا شفت منه بالواقع .. أبداً جان غامبول ودارون يتعارگون واني دخلت طرف ثالث اصالحهم .. بس فززني المنبه الچلب!! وماخلأني اصالحهم لو هسه اني وياهم جان شفتهم كلهم ... اباوع لساعه تعدت سته ونـص ، هسه امي تجي تعيط ... بالكوه كمت من فراشي واني اسمعه عبالك يغني فاركوني! اجيت ابجي عليه واحظنه بس اذگرت الدوام وامي والعياط والگتله.... فأستغنيت عنه لحد ما اجي العصر.... غسلت وجهي وفرشت اسناني ، طلعت ملابسي من الكنتور، ولبستهنّ ... جينز اسود وقميص قطني لون وردي غامض.. لبسته ودخلته جوه البنطرون لبسته سترتي السـوده ولفيت شال قصير على رقبتي ... بعتباري مـو محجبه مشطت شعري وترگته هيچ ... مكياج خفيف بس گحل وحمره بناتيه خفيفه رشيت عطري المفضل... ولبست حذاء سوده وطلعت ... واني اشوف جنطتي شنو نقص بيها ... دخل خشمي ريحه الريوك وچاي .. اكيد امي كاعده لگيتها تصب بالجاي... ومخلصه كولشي... رحت بوستها وصبحت عليهاً وكعدت ... -اشو ماكو احـد اليوم على سفره؟ خير وينهم،؟ سالتها وانـي اشرب بگوبي ( رضا ومرته نايمين اليوم ماخذ اجازه من دوأمه وگعد ، وابـوج تعرفين يطلع من صبح) ردت وهي تكعد هزيت راسي واني اكل قطعه من الجبن ( زيـن مرته ما عدها دوأم؟ شعجب) - ما اعرف يايمه بس اهلها مسوين عزيمه ويمكن يسافرون اليوم الهم لتركيا، عقدت حاجبي( زين واحنا و ما يعزمون بابا ؟ مثلاً) ردت ( عوفج من هاي سالفه بنتي ، وأكلي حتى لو يعزمونه احنه منروح تعرفين شغل ابوج ودوأمچ منا ) تن*دت وأني اكل عبالي اروح وياهم لتركيا صارلي هوايه مرايحه بسفره ... اعتقد اسبوعين؟ مو! يمكن اكثر اكلت وشربت گوبي مال جاي ودعتها واجيت اطلع ... بس وگفتني ( اكلج شمس ، ابوج يكول خلي لأ تتأخر اليوم عدنه عزيمه يم بيت عمج اياد ، ونروح من وكت ) - ماشي ماما ، اخلص محاظرات وأجيكم من وكت ، يلا باي -الله وياج يمه ، ديري بالج على نفسچ، واقري المعوذتين مو تنسين.... بوستها وطلعت لگيت ابو الخط واكف اليه ، بس اني وبنيه جورأينه ويانه بالخط ... سياره تا**ي خاص ... صبحت عليهم ومشينه للجامعه .. هالحقنه ويايه لا تسولف ولا تضحك اربع وعشرين ساعه... مبوزه مغروره لدرجه چبيره ... الحمدلله وصلنه وخلصت من جوها ... نزلت واني امشي بحرم جامعه ... اعرف الكل صار عيونه عليه هسه ... مو غرور بس جميله وجمالي يچذب على كولت بابا (: شافتني زهراء واجتني تركض، حظنتها واني اسمع ضحگتها ... وخرت منها ( كبر ! ليش تضحكين مو زين احظنج !! هالجمال كله يحظنج وتصبحين بوجهه نيالج عمي) غمت گصتها ( بطلي غرور بجمالج اني واني هَي صخله ، عابت ) قلدتني وهي تضحك ، ضحكت وياها واخذت ايدها ومشينه للقاعه ومنو يصادفنه بالطريق اسولف عليه.. واضحك وزهراء چـر بيه ، تخاف هوايه من اسلم على زملائي... صرخت بيها - رحمه الله زهراء! بطلي خوف هسه عساس اخوج الحقنه هنا!! وتخافين يشوفج! كعدت بكرسيها ... -مو قصه خوف غ*يه بس حرص! يعني اني احرص على نفسي حتى باجر عگبه ما يصير شي بيه! قاطعتها ( اوك ، اوك ، اوك فهمت! كولي جبانه اني وفضيها احسن من لف ودوران ) صرخت بيه ( انجبي ولچ بس دنيا مو إمان يعني احنا بنات ومتعرفين شنو يصير باجر عگبه ) كلبت عيوني بملل( زهراء ! بطلي هاي سوالفج خيه انتي جبانه وتفكرين بهيج اشياء ، لج العمر مرة وحـده انعيشه يعني اذا معشت اني اليوم بكل حذافيره وما فكر باجر هذاً انجاز چبير لأن انتي ضامنه نفسج باجر عايشه؟! اكيد لا فالأزم انعيشه كانو باجر مموجود ، فاهمه؟!) تباوع عليه برود ، هاز راسه وهي تفتح الكتاب ، رحت كعدت يمها... واني اضربها على راسها .. اعرف كلش زين هي تخاف عليه .. بس من منو! وشنو! يعني الحياة لنعيش مو ندفن روحناً بيها... اجه الاستاذ وبداً يشرح المحاظره .. صارله اكثر من ساعه واني متت نعاس بالكوه افتح عيوني! وكل شويه زهراء تكعدني بيدها.... رغم نايمه من وكت بس يا عالم محاظرته لهذا الاستاذ ... تنعس والله!!! واخيراً خلص نيوتن ، اخذت زهراء ورحنه على الكافتيريا .. جبت اگل وشي دافي وگعدنه .. شويه ضربتني برجلي من جوه الطاوله رفعت راسي( خير !؟) أشرت بعيونها ( شوفي منو اجت !) درت وجهي واني اشوف صبا جايه ... النا بلابسها الضيك وشعرها الاشقر الطويل ابتسمت الها وكمت اسلم ... اخزر بزهراء تكوم تسلم يلا كامت وسلمت من ورا خشمها هم...( اكعدي ويانه صبا ) هزت رأسها وكعدت ( ولـو اني زعلانه عليج وعلى زهراء، بس كعدت لخاطرج ) حجت ، استغبرت اني( يا ليش؟ زعلانه بس لا بعدج على !) قاطعتني ( اي .. بعدني عزمتج على بيتنا انتي وزهراء بس طنشتي وما اجيتي ) دخلت زهراء وهي تحجي من ورا خشمها ( ما نجي ، لأن تعرفين امتحانات عدنه ومَا بقى شي لنهايه سنه ونريد نشد الهمه ) ابتسمت الها برود( غير تگعد بت ابن الهيثم عيني نعرف دراسه بس هيَ عزيمه وما يرد الكريم الا البخيل ، بعدين عزيزه عليه شمس وانتي هم ومن حجيت لأمي عليجن كالت اعزمي وامي فشلت من ما اجيتنن ) اجت ترد زهراء ادخلت اني بسرعه (والله حقچ علينه واعتذريلي من لماما هوايه وتعرفين شلون جنت مريضه وسفره هم ، بس اني وزهراء والله وهياتني احلف راح نخسركم غده ) ضحكت وردت ( عساكم على غـدة ، نهايته هالاسبوع غداچن يمنا بعد مو تكولين ! ماشي!) هزيت راسي مبتسمه واني اباوع زهراء راح تنفجر ... ضربتها برجلها من جوه الطاوله ... سگتت وهي تتأفف ... ضلينه نحجي شويه وراحت .... رغم منظرها مو راحه صبا بس كلبها طيب خطيه ... واعرف الكل يبتعد منها بسبب منظرها الخارجي بس احنه عالم نحكم على بشر من شكله ... يعني متعرفون شنو البشر من جوأته بسرعه حگمتو عليه من شكله ... الحمدلله اني مو هيج والبشر عندي كلهم سـوه ، احلى شي هذا بالكون (: بالكـوة قنعت زهراء تسكت ، وقنعتها تروح ويايه لبيتهم ... بس هاي جبانه كل دقيقه مغيره رايها ... اقنعها واخذها الاسبوع جاي غصباً ما عليها... خلصت المحاظرات دفعات ، وطلعت ودعت زهراء ورجعت للبيت لكيت اهلي منتظريني على روحه گبل غيرت ملابسي ، وعدلت مكياجي وكثفت المسكاره ومشطت شعري .. ونزلت ورحنا لبيت عمي ... اكرهم بصراحه ، احسهم حقنه لا احـد يضحك لا احد يسولف! بس كاعدين وننتظر العشه لحد ما نخلص عود ! ونروح كعدت وحدي اگلب بالنت واسمع بابا يسولف ويه عمي وامي بالمطبخ ، وياها مرت عمي،، ها نسيت اذكر ما عدهم ولد بس بنات اثنين وصغار .... صبّو السفره وتعشينه ... وكملنه ونقلت المواعين للمطبخ ساعدتها بغسلهن ... جانت مرته لرضا اخوي تساعدها وتسولف وياها هسه طارت هي واخويه لتركيا .... وعافوني وحتى مذكروني بجذب ): صبت چاي مرته لعمي ، اخذته للصاله وزعته ، ورجعت كعدت اسمع سوالفهم عمي سوالفه على جيش الما تخلص... وغيره من هالحجي ... تاخر الوقت هوايه ورجعنا للبيت واخيراً كبل بس غيرت ملابسي ونمت ... ما حسيت بدنيا بعد! صباحاً ... فزيت مثل كل يوم ، كالعاده ، اتعارك ويه فراشي ، انوب اغسل وجهي واسناني وابدل ملابسي لبست اليوم... وحذاء بوت ابيض... وكالعاده مكياج وشويه عطر ونزلت.... لكيت ماما كاعده ما تريكت لان مالي نفس... بس شربت حليب وطلعت لجامعه ... گبل ... هم وصلت ولكيت زهراء تنزل من الكيه عقدت حاجبي واني اشوفها اجتي اليه... ( عبريه؟ صاعده وين لعد خطج؟) سالتها اول ما وصلت ابتسمت وردت( البشر العادي يكول صباح الخير شلونج! بس انتي هيج حتى بهاي الله كالبچ) - انچبي ولا تغيرين سالفه ... وينه خطج ها! بس لا اخوج الهمجي اله ايد بشغله! هزت رأسها بـلا وجرتني نمشي( مو هيج غ*يه ، بس بابا ما عنده يدفع كل شهر فأكلت هو بقه شهر دخلي اصعد بگيه وهم اساعد لأبويه) قاطعتها واني اوكف ( جذابه مو هيج الموضوع احجي الحقيقه؟) حلفت وهي ترد ( لج والنبي هاي سالفه ، وهو بابا حتى مگلي بس سمعته يحجي ويه ماما علمود فلوس الخط ويگلها بالكـوه كدرت اجمعهن هذاك الشهر وما عندي ومن هالحجي ، فأني كتله ورا يوم ما اريده هم خطيه مصدك تعرفين بعد حالته لبابا واحنه سبع بنات وكلنه بالمدرس وناس جامعه شيلحك كلت اريحه مني ) كلامها صحيح حالتهم تعبانه هوايه، وهنه كومه بنات والرجال محد يساعده ، ولد واحد عنده... متدين هواي ومخلص حياته بجامع ... وهمه بس البنات اخواته لا يطلعن لا يطبن... ! ولو ابوه بعينه ويريد مستقبل الهن جان بطلهن من زمان اذاً بيده ... اخذتها ورحنه للمحاظرة وخلصنه هم بطلاع روح... واني اليوم مالي خلك كلش احَس كوه غصه بكلبي... هم خلصنه واجيت اطلع اني وزهراء... اجت علينه صبا ...ذكرتنه بالعزيمه ورأحت ، زهراء..... ، شميتي ريحتها ؟ كـلها جكاير ولج؟! تن*دت بملل( شدخلنه بيها لو كولشي تسوي مالنا دخل ، مدأم مَا ماذيه واحـد، احنا مالنا شغل هَي حِـُـره ) ردت بقهر ( لج صدوك تحجين الكل يكول مو راحه عليها وانتي تمشين وياها وكداك رايح وجاي ، بطلي غباء شمس ، بعدين شنو عزيمه لطشت بيها ،! هاي ماتتأمن وكلبي ماَ مرتاح الها ) اخذتها من ايدها ومشينه... وهي تسولف وترجع ليورا.... من كل عقلها! يعني تدخن صارت مو زينه وين عايشين! هم سكتت واني اصعدها بخطنه ودفعت لأبو الخط كروتها علمود يوصلها لبيتهم وبالكوه قبلت... وهمزين مجايه اليوم المغروه اخذنه راحتنه وضحك وشقه وابو الخط يشغل اغاني واني مثل الخبله اهـز بشعري ... واباوع عليه يضحك عليه ! شنو رگصي محلو ... ): نص ساعه وصلنه زهراء لبيتهم ، ودعتني ورأحت ..... هم رجعت للبيت ونفس شي .. تغديت ونمت شويـه .. كعدت على صوت فوني يدك بالكوه فتحت عيوني واني اشوف المتصل (صبا) وهم اكـدت على عزيمه وساعه تحجي! واذا متجين ازعل! وماما محظره كولشي للغده انتظرج عگب باجر... انتي وزهراء،، هم كتلها اجي وحلفت الها وقفلته.... رجعت نمت واني افكر بيها شكد تلح علمود عزيمه؟!! نروح ونـشوف شيصير ..... شمس ______ يتبعُ... هاي، ? البارت الارل نزلته رغم مشاهدات قليله واعرف ماكو حماس حالياً بي! بس مجرد تشويق للقادم! لا تنسون تصويت وتعليق ، واذا اكو هوايه تعليقات وتصويت يصير تنزيل يومياً بارتين مثل ارهابي... واعتذر عن الاخطاءالأملائيه ♥️ شنو رايكم .. بشمس؟ في إمان الله ♥️

Free reading for new users

Scan code to download app

App Store Google Play

Facebookexpand_more