آنا والمُشّوه

٦

وجهك الهادئ لا يفصح عن شيء ،

مثل بلادٍ مشتعلة بالثورات، لكنها صامتة على الخريطة..♥️

#انا والمشـّوه

______

روسياً ٢:٣٠ بعد منتصف الليل..

شمس، صارلي اكثر من لـ3 ساعات احاول أنام ، بس عيوني مدتغمض لحظه وحـده.. تفكيري مشُتت وحايره هوايه.. بشغلات كبيره والاهم من هذا

الخوف المَله گلبي منِ إي بشر ومخلوق.. احسهم كلهم راح يغدرون ... بيه

وكلهم رأح يضحكون علية .. مداعرف شنو اسوي همين ... اهلي مناك

وانـي هنا بالغربه .. لو بيدي هسه ارجع وانسى كولشي صار... بس شلون

وانـي م***به بنظرهم ومختفيه اكثر من شهرين... هسه شحالهم عليه!

امي بابا، اخوأني! اكيد عايشين برعب وحالهم حال... بس ما ارجع الإ واني

شايفه حـل ... وشمس القديمه وجبانه وتثق بسرعه ماتت ... ودفنوها وي زهراء... مسحت دموعي واني اكوم من الفراش... مشيت حافيه وفتحت القفل بهدُوء ، عطشانه ومدأكدر انام هم اكيد هسه نايم..! فتحت الباب بخفه ومديت رأسي... الممُر الصغير ضوأء خفيف وصاله مطفيه الضوه اكيد نايم

مشيت واني اعبر الممرِ.. وأحاول ادرو على حمام همين .. عبرت من صاله بكل بخفه على اصابعي ... ودخلت المطبخ... كلها مطفيه للأضويه !

هسه شلون اشوف! مديت اصابعي ادور على مفتاح شمعه! بس ماكو!

ثواني واشتغل! رفعت راسي واني اشوف .....صگر

همست" اجيت اشـرب مّي"

هز راسه بهدوءُ ومـر من يمي .. ابتعدت بتوتر واضح لنهايه المطبخ

طلع زجاج مّـي وكلأص وصبلي.. وانطاني يـا..

" شكراً " اخذته وشربت بتوتر انطيته اله ... صب كلاص مي وشربه

" مجايج نوم؟" همس وهو يرجعه للبطل .. بلعت ريقي وانـي مدنكه

" أي " جاوب " حتى اني" رفعت عيوني عليه وانـي اشوفه

يفتح الكانتور وثلأجه ... ويطلع حليب.. فتح الغلايه وطلع بُن قهوه... وكـوب

اباوع عليه وهو يشتغل.. بي شيء يجذب هدوُئه و رجوليته وحتى جسمه

يجذبن النظر... بس اكو شيء ثاني بشخصيته بودك ما تشيل عيونك عليه ...

واني ما اعرف ليش الانسان مو كامل ... يعني كل هالشخصيه وجمال ، بس وجهه نصه محترك! رفع كـوب الحليب بوجهي

صگر ، اشربي الحليب دأفي و يخليج تنامين بدون أرق ،

اخذته من أيده ودخلت ريحته للحليب بخشمي مبين طيب! اباوع عليه

اخذ كوب قهوته وكعد بصاله ... شنو هالبرود! ما اعرف ليش رجليه اخذتني

ورحت كعدت كباله ... الجٌو منعش والهوا يدخل من شباك صاله... رغم برردته بس منعش " آذإ يبرد الحليب يصير بدون طعم " طلعني من صفنتي صوته ... درت وجهي عليه " ما احب الحراره حتى بالأكل وشرب اشربه دائماً من يبرد"

رفع عيونه إليه ليرد بهدوُء " كل من يبرد يصير بدون طعم وحتى المشاعرمن تبرد تموت "

مجنت اعرف انو الكلام مرات يدخل لگلب بدون استاذن ، كلامه خلاني اصفن بعيونه العسليه... ليبادلني نظرأتي بكـل هدوء وجمود...

اشرلي براسه " اشربي " هزيت راسي شاربه من الكوب الابيض...

صرحتاً طعمه طيب والهيل منطي نگهه لآذعة.. اذكر امي جانت تسويلي حليب بالليل قبل النوم وتصعده إلي لغرفتي ، وبالكوم اشربه لأن ما احبه

وهي تضل تلح علّي واشربي ومفيد الج... اوف يايمه مشتاقتلج هوايه...

دمعه نزلت مني مسحتها بسرعه... واني احس بعيونه عليه ..

" محاب تسمع قصتي؟" رفعت عيوني عليه ... لثواني طويله يلا رد

" انتي حابه تحجين !" هزيت راسي " اي اريـد احجي "

عقد حاجبه " متاكدة؟ انه كتلج ما اجبرج من تحسين بنفسج مرتاحه تعاي احجي واذا تحبين اطلع من الشقه وانتي ابقي هنا!" هزيت راسي بـ لأ

" لا بس حابه اكولك كولشي صار حتى تعرف منو الكاعده بيتك "

صكر بهدوءُ " احجي يابه اسمع "

تن*دت واني احجي .. كولشي حجيت مَن بدايه تعرف على صبا وشلون عرفتها عن طريق الصدفه.. وشلون جرتنه لشقه بحجه العزيمه.. وبعدين تورطنا بتزاز الاكتروني وقتلوا زهراء وخطفوني... ومن سفروني اني وبنات ويايه لروسيا .. وشلون تعذبت وخلوني بسردأب .. وكولشي عشته

هنا واني احس بدموعي تنزل بكثره... امسحهن ويرجعن اكثر من قبل... وهو نظراته وتركيزه عليه... شفته كام ودخن جكاره وانـي احجي

شلون سلموني لرجال ! شهكت بقهر وما اكدر اكمل " و ! و مكدرت اغير احط سجين بطنه واشـرد وانت ! تـ تعرف صار ولكيتني!"

نفخ دخان جكارته بالهوا وطفاها مقترب مني واني اشهك "و ..و وقتلته يمكن وشردت راح تبلغ عليه مو ! راح تسلمني لشرطه! و ..واني سويت هيج دافعت عن شرفي الله يخليك لا تسلمني لشرطه!"

كعد بالارض واقترب مني يمسح دموعي... رجفت من لمسته ومنظره

ورجعت للورأ بتوتر حسّ بي وكام " مراح ابلغ عليج ولا راح اشتكي لشرطه هم ، انتي دافعتي على شرفج وهمه اكلوچ ، صدكي لو جنت اني هناك جان فصلت راسه عن جسمه، هذولي ما عدهم غيره ولا حرام قتلهم حلال لأن اليدنس شرف بنيه ، عقابه الموت "

- يـ يعني مراح تبلغ عليه!

هز راسه بـ لا " ابلغ على نفسي وما ابلغ عليج، اطمئني ونامي بسلام صدكي بالله حقج ما يروح هـدر وكل بنيه سوه بيها هيج راح يجي يوم ورب العالمين ، يعقابهم واحد واحد" مسحت دموعي وكمت هو طويل صرت قصيره كدأمه ... " بس شنو راح اسوي! حتى اطلع البنات الموجودات هناك وارجع للعراق!" سالته " حسب ما سمعت منج انتي تهريب! وجوزاج وكل شي من جنسيه وغيرها انتي ما عندج! لازم اول شي نطلع جوأز الچ ولازم تنطيني عنوان بيت دعاره العفو! حتى اعرف اتصرف! تذكري البيت!"

رديت بتفكير" بصراحه لأ بس اعرف المنطقه اذا شفتها لأن مثل تعرف شردت باليل ومطلعت غير كم مره بنهار وجان البيت لونه تقريباً ماروني على ابيض! هيج شي"

هز راسه وهو يحك بالحيته.. ذكرت سابقاً انو عنده لحيه خفيفه ...

بَـس بيها شويه شيب! هالرجال بي شي يسحر! " هسه روحي نامي تاخر الوقت وباجر نحجي ونـشوف شنسوي وهم اروح لسفاره العراقيه بروسيا علمود أطلع الچ جواز واشوف شلون اندل البيت " شرح اليه بهدوء

هزيت راسي وانـي احس بالفرحه والإمل انزرع بكلبي مره ثانيه...

يعني راح ارجع للعراق ... وراح اشوف اهلي مره ثانيه وهم اساعد البنات واطلعهن .... حسيت صكر اجاني هديه من رب العالمين.... ضلينه شويه نحجي ونشوف شنسوي... واخر شيء دخلت نمت... من تعب ....

صباحاً

كعدت الصبح على صوت جاز ينبح من ورا باب الغرفه... بالكوه كمت وفتحته اله ، واني انعس هجم عليه وگعني بالكاع وهو يلحس بالسانه

ايدي وجهي " وخر ! جاز وخر كافي!" ضحكت واني ادفعه ويرجع

يلحس !" خرب لا !" دفعته وانوب شلته رغم ضخامته بس عبالك طفل

نزلته بالكاع ورحـت لصاله مريت بالممِر ، غسلت وجهي، ونشفته وطلعت وجاز يفتر ورايه وين جنت وين صرت... جبت عمري اخاف من الحيونات... انتبهت ماكو صگر بصاله ! وينه؟ جذب نظري اكـل مغطى على طاولة ورساله فـوكها... فتحت الغطى عن الاكل " وااو" ريوك بس بترتيب... ومبين طيب ...اخذت قطعه من الفرواله وأكلتها فتحت رساله...

" صباح الخير ، هذأ ريوك من اجي ما اريد الگه قطعه بالماعون، وطلعت بشغله شيء ما ارجع الإ لورا الغده لو العصر وراح تجيج رانيا تاخذج ، اذآ حابه تبقين وحدج، ابقي ولا تنسين جاز بأمانتج غدي .. صكر "

شكد حلو خطه! ابتسمت واني اكلَ خلصت ، وغسلت المواعين ، ودورت اكل لجاز وكلته... هم .. وشويه وانـدك الباب ، بصراخه خفت

بس من قريت الرساله عرفت رانيا... فتحت الباب !ودخلت سلمت عليه

وبيدها طفله ولد صغير ورأها .. انطتني العلاكه " اخذي غيري ملابسج حتى نطلع جبتلج مني قياسج مبين ناعم فأختاريت اصغر شيع عندي "

ابتسمت " شكرا تعبتج ويايه!" قاطعتني " عوفج من الشگر روحي غيري ملابسج حتى نروح لأن تركت الاكل على النار " هزيت راسي واخذتهن

رحت بدلت ملابسي، جايبلتي بدي اسود شويه ضيك وبنطرون جينز ازرق... وقمصله تغطي الموخره ... وكم قطعه من الملابس ما تتبهت عليهن ... لاحظت بكل الشقه صكر ما عنده مرآية ! هوايه اسرار بهالشقه

تخص صكر... رحت عليها وطلعتلي حذاء ابيض... لبسته وشلتها لبنتها

اسمها " لارا " تخبل عيونها ازرق فاتح وتنوكل بصراحه... قفلت باب شقه هي... واخذت جاز وابنها ثاني اسمه " امير " طفل عمره 5 سنوات...

ولارا عمرها 10 اشهر يمكن! دارت وجهها وفتحت الشقه المقابل لشقته لصكر !

" انتو هنا شقتكم !؟" استغربت

ردت وهي تضحك " لعد عبالج وين ! شعجب مكال صكر الج !'

رفع كتفي " بصراحه مگلي ، وهو ميحجي بطبعه " اكدت كلامي وهي تفتح الباب " صكر من نوع ما يحجي ومليان اسرار لصديقه احمد وثاني مخبل شله حسن هم يحجي الهم ، فوتي شمس" دخلت واني اشوف شقه مرتبه ونظيفه وال**ب جهال بالارض... حجله الصغيره لارا الورديه.. خليتها بيها وكعد امير يلعب... هم .. وجاز يفتر ورايه... رحت الها لمطبخ...

شفتها دتسوي معجنات... " تحبين اساعدج بشي!"

رانيا " لا هياتني خلصت هاي اخر صينيه اليوم وراح ادزها للمطعم جوأ"

عقدت حاجبي" شنو قصدج؟" ابتسمت وهي تشتغل " اني احب طبخ وخصوصاً من اسوي كيك لو معجنات ! ابرع بيهم وصدكي هالكلام عن تجربه، بعدين اني اسوي معجنات وابيعهن للمطاعم اليردون مني ، وحلمي حالياً هو افتح مطعم صغير ابيع بي هنا "

ابتسمت الهاً " بصرأحه حلم حلو ، اتمنى يتحقق الچ من كل كلبي"

ساعدتها شويه واني وانٰي اطلع المعجنات من الفرن واخليهن ...

بقطعه حافظه حتى تنزلهن ... العرفته منها انو هي تحب تشتغل

رغم احمد تكول ما مقصر بشيء بس اني كـ أمراة اريد اصرف من جيبي

حتى لو زوجي بس ابقى اني احتاج مصرف ورزقي الخاص... خلت الاطفال يمي ونزلت ... نظفت المطبخ الها وسويت سيرلاك لارا ... وكلتها شويه الها وشويه اليه (: ... وامير يلعب بالمكعبات عاقل هالطفل يشبه صكر .... صكر! شجابه على بالج شمس!

شويه واجتي رانيا وسوت غده وهي تسولف... عليه وهم حجيت الها الصار

بجت واسكت بيها وتكلي لا ثقين بعد بالبشر... اثق؟ بصراحه عمري كله

ما اعرف بعد شنو الثقه! لان صار مو هين عليه... هم تغدينه واجه زوجها

سلم عليه واجه اتغده ... اخاف منه مو مثل صكر عبالك... رغم عرفته صارلي اكثر من يومين بس! اكو شي يحس بالامان وياا... تغده وشربنه چاي واجـه صگر... ما اعرف وين جان بس من سالته رانيا على غده

جاوب متغدي... مشفته من طلع الصبح .. لابس بدي اسود وبنطرون اسود وستره سوده! هم ! شجا وي الاسود!

د احمد " اليوم موعد الفحص جاهزه .. شمس؟"

عقدت حاجبي واني ارد" فحص شنو؟!" ردت رانيا وهي تغمز " فحص مجرد روتين علمود صحتج؟" فتحت عيوني واني افهم كلامها ... علمود الاغتصاب! عبالهم ما اعرف " فحص عادي بنتي ، مجرد نطمئن على صحتج " همس صكر بهدوء... درت وجهي اله واني ابتسم بخفه " ماشي مثل متريد" ما حسيت على نفسي الا اني ابتسم بوجهه مثل المخبله! شبيه

دأر وجهه وهو يضحك بخفه... دنكت بخجل بسرعه... عباله خبله هسه والله!

للعصر ورحنه لعياده الطبيبه... فحص وكم شغله صارت... وكالت موعدها بعد اسبوع... بصراحه... كلامها اثر بيه تكول اكـو امل... رغم كولشي اكو امل ... والجاي احسن ان اشاء الله ... مرّ اسبوع بالكامل عشت بشقته واني ما اعرف شي عليه ولا اعرف شنو حياته جانت ولا اعرف منين اجه التشهوه! الخرب جماله! بس عشت ويه جانبه الطيب والحلو الجانب

الروجولي الكله حنان ... خلأني اتمنى اعيش ويا طول عمري...

هالكتله رجوله والانسانيه اتمناها اني هوايه.... طلعت نتيجه وشفناها ومثل مكال احمد... راح ينبني من جديد... الحمدلله على كل حال... هالشي خلاني اقوه وهسه جاي المهه نطلع البنات اني وصكر ونسوي جوأز..... ورغم هالشي محابه اروح من شقته...

شبيج! شمس!

_______

يتبُع غداً

اعرف مابي احداث بس ونبي مريضه بالكوه اكتب من راسي ! ومداشوف زين غلسوا على الاخطاء...

ومن هذا البارت! راح يتغير كولشي... بحياتهم

احزرو شنو هو؟!