حكايات ارض السلطان ( الملحمة الثانية )

#حكايات_ارض_السلطان #الملحمة_الثانية #الحلقة_الاولي #حكاية_اعداء_بالدم _____________________ #ملحوظة جزء كبيرة متعاد من اخر حلقتين ف الجزء الاول عشان الاحداث تبقي مترابطة ومحدش يتوة فيها ______________ مرحبا يا عزيزي ولمن لم نلتقي من قبل انا #ولهان_حارس_حكايات_واسرار_وكنوز_ارض_السلطان لا داعي ل تذكيرك بالقواعد الان ولكن لا مانع من تذكيرك بها من جديد لنمارس لعبة الاوراق لكي أجعلك تستمتع بالقصة سنلعب لعبة تعلمتها من أحد أساتذتي، سنلعبها أنا وأنت فقط، ولن يُشاركنا أحد فيها، سألقي أمامك في بداية كل جزء مجموعة من الأوراق، وعليك أنت تنظر إليها جيداً، وعليك أن تهتم بالترتيب الذي وضعته أنا لهذه الأوراق؛ لأنها ستسهل عليك أحداث هذه القصة الملعونة ... نعم الملعونة أنت لم تخطئ القراءة، تسألني لماذا ملعونة؟ ومن الذي لعنها؟ أقول لك لا تضيع الوقت في الأسئلة، كل ما عليك أن تجلس منفرداً وتنظر جيداً للأوراق الثلاثة التي سأضعها أمامك الآن .. ----------------- #اعداء_بالدم :: ----------------- أمامك الآن ثلاثة أوراق: الأولى :: هند تركب حصان ويبدو أنها تهرب من مجموعة رجال يلاحقونها . الثانية :: فخر الدين ملقي ف الصحراء ينزف حتي الموت . الثالثة :: بنت المساخيط تقف داخل مقبرة فرعونية وتمسك خنجر ملطخ بالدم ، هل هذا جثة شخص تحت قدمها ام انني اتخيل ، حسنا لا تهتم يا عزيزي والان لنبدا الحكاية . أنت الآن كونت صورة مختصرة في عقلك عن الحكاية الاخيرة ألم أقل لك أنك ذكياً ؟ ___________________ _ ارض السلطان قبل سنوات من الوقت الحاضر _ ______ *( سلطان ) في اوضتة ومعاة ابنه ( فخر الدين ) * سلطان :: جرب يا فخر يا ولدي عايز اجولك سر واعر جووي محدش كان يعرفة جبل سابج واديلة زماان منسي ومحدش داري بية بس خلاص يا ولدي مفيش هروب من المجدر والمكتوب واهو علاماتة ظهرت وجرب يحصل يا ولدي. فخر الدين :: سر ايي يا بابا انا مش فاهم حاجة من اللي حضرتك بتقولها !! سلطان :: ا****ة اللي رابطة عليتنا ومهتسبهاش الا لما تغرجها ف بحر دم ومتخليش حد فيها حي. فخر الدين :: لعنة اي بس يا بابا اللي حضرتك بتقول عليها مبقاش في حد بيصدق ف الكلام دة يا بابا . سلطان :: اللي اني شوفتة ف حياتي يخليني اصدج يا ولدي ، من سنين كتيرة الشر دية كان هيجضي علي عيلتنا لولا اني وجفت جدامة و الشيطان المحبوس مجدرش ينفذ خطتة . فخر الدين :: حضرتك من ساعة ما تعبت المرة دي وانت بتقول كلام غريب انا هطلب حسن ابن عم حماد هو ف اخر سنة ف كلية الطب هخلية يجي دلوقتي يكشف عليك ويكتبلك حاجة تخفض الحرارة اكيد هي اللي مخلياك تهلوس بالحاجات دي . سلطان :: اخس عليك واد جليل الرباية الظاهر العيشة والعلام ف مصر خلوك تنسا اصلك و ربايتك عشان تجول ل ابوك انة بيخرف كييف المخابيل. فخر الدين :: لا سمح الله لا طبعا يا والدي انا مقصدش كدة ابدا انا اقصد ان صحتك حضرتك محتاجة متابعة الدكتور عشان نطمن عليك. سلطان :: اني هخليك تتوكد اني مبخرفش و تشوف بعينك سري ل اچل ما تاخد عهدهم من بعدي . * سلطان بص لخاتم ف ايدة ب فص ابيض وقال :: اظهرو يا ( حات ) و ( مور ). وفورا ظهر راجل وست لابسين فرعوني قدام ( فخر الدين ) اللي من الصدمة وقع من علي الكرسي بتاعة و رجع لورا كذا خطوة من الخوف * فخر الدين بخوف :: بسم الله الرحمن الرحيم، دول عفاريت؟!! سلطان :: اهدا يا ولدي واني هفهمك كل حاچة ، اختفو دلوك يا ( حات ) انت و ( مور ). * اختفي ( حات) و ( مور ) و ( سلطان ) كمل كلامة * سلطان :: دول شياطين مربوطة بالخاتم ديية وب تمثال تحت ف السردايب واللي يملكم ويدفع عهدهم يكونو ف خدمتة. فخر الدين :: انا لو ف القاهرة كنت هفكر ان حد بيعمل فيا مقلب وبيستخدم خدع بصرية لكن انا واثق ف اللي شوفتة دلوقتي، يعني دول زي كصباح علاء الدين وبيحققو الامنيات ؟ سلطان :: لااااه يا ولدي دول هيحججو رغباتك يعني يدوك السلطة والجوة والمعرفة واللي بيهم تجدر تملك الدنيا كلاتها وهيفضلو طوع امرك وبيحموك طول ما انت لابس الخاتم ديي والتمثال يكون محفوظ عيند*ك . فخر الدين :: طب واي عهدهم اللي ادفعة دة مش فاهم ؟ سلطان :: التمثال بتاعهم الصغير ديي اللي مربوط مع الخاتم لازم يغرج ف الدم ولازمن تكون دم بني ادم عشان يتربطو بيك رابط الدم مهت**روش حاچة واصل يا ولدي زي المجبرة والسراديب بتوع العيلة ماهيتفتحوش غير ب دم نسلنا وبس. فخر الدين :: انا مش هسأل حضرتك انت عملت اي عشان تربطهم بيك لانة واضح اووي لكن انا مستحيل اعمل اللي بتقول علية مهما حصل. *( فخر الدين ) خرج من اوضة ( سلطان ) ومخدش بالة من اختة ( هند ) اللي كانت واقفة جمب الباب وسمعت كل حاجة وبعد ما خرج قربت اكتر من الباب وسمعت ابوها بيتكلم واستغربت لانها متاكدة انة دلوقتي لوحدة * سلطان :: جولي اعمل ايي دلوك يا ( حات ) ؟ حات :: لقد اقترب اجلك ولن نتمكن من حماية عائلتك لانة بموتك لن يكون لن اي ظهور وسنظل هكذا الي ان يقوم احد بعمل مراسم العهد كما فعلتها انت من قبل. سلطان :: طب والشر اللي متخبي ف الصحراء اللي كان بيحمي ( بهية ). حات :: لقد ظللنا ل سنوات نبحث في تاريخ الشياطين كلها ل نعرف من كان يحميها يوم موت والدك ، وتاكدنة انة الشيطان العاشق او كما تسمونة انتم ( ولهان ) الحارس. سلطان :: بس الحكايات عتجول ان ( ولهان ) ديية حارس ارض السلطان وبيحمي عيلتنا وكنوزها ومهيجدرش ياذيها واصل. مور :: انت تعرف اننا لا نكذب ابدا يا سيد " سل_ان " ما اخبرك بة حات هو الحقيقة وماا جمعناة ومن خلال بحثنا علمنا ان هناك طريقة لمواجهة هذا الشيطان انها لفافة ورقية حمراء موجودة ف السرداب بالاسفل وفقط شخص من نسلك يمكنة استخدامها لهذا كان يجب علي ابنك ان يوافق ان ياخذ الخاتم والتمثال من بعدك. سلطان :: اني هحاول تاني وتالت معاة لحد ما يوافج . مور :: عليك هذا يا سيدي ف ذلك الشيطان سينتقم من كل من هم من نسل السلطان ولن يبقي اي منهم علي قيد الحياه. *( هند ) مرعوبة وراحت اوضتها بسرعة وفضلت تفكر ف اللي سمعتة وبقت مش عارفة تعمل اي لحد ما قررت انها تنزل السرداب وتدور علي اللفافة الورقية اللي سمعتهم بيتكلمو عليها * * بعد الكل ما نام ( هند ) نزلت اوضة المكتب وجرحت ايدها فوق النقوش اللي تحت السجادة بعد ما رفعتها و اول ما الحيطة اتشقت دخلت بسرعة ونزلت السراديب ودي كانت اول مرة تنزلها وكانت مبهورة وخايفة ف تفس الوقت وفضلت ماشية بين الاثار والكنوز بتددور لحد ما لقيت قاعة فيها موميأت كتير ل ستات ومرصوصين ف شكل دايرة وسطها في صندوق احمر قربت منة ( هند ) وفتحتة لقيت لفافة لونها احمر مدت ايدها ومسكتها ومجرد ما لمستها اللفافة كأنها نورت و ( هند ) فتحتها ولحظتها حست بكهرباء ف جسمها وغمضت عينيها وبقت بتشوف زي حلم لكنها كانت حاسة وعارفة انة ذكري مش حلم * ____________________ تعال معي هذة المرة الي ارض السلطان وبالتحديد منذ مئات السنين او ربما الالالف منها المهم الان ان نقترب اكثر لنشاهد ما يحدث عن قرب ، لا تخف فلن يرانا ولن يسمعنا أحد أبدا ... ________________ * الثلاث نساء المتشحات بالسواد بعد خروجهن من كهف ولهان وتركة حبيسا ذهبوا ل اخذ ( ضنة) وابنتها كما طلب ( ولهان ) و ما ان تجسدو امامها حتي احتضنت طفلتها وتراجعت الي الخلف في خوف * ضنة :: من انتم وماذا تريدون مني انا لم اؤذي احد. وهجاء كبيرة الثلاث نساء :: اطمئني لا احد سيؤذيك لقد جئنا لنعيدك ل قبيلتك واهلك. ضنة :: من انتم ولماذا ستعيدونني الي قبيلتي من ارسلكم ؟؟ وهجاء :: لا داعي ل تعرفي وسنعيدك ل قبيلتك لان هذا كان طلب ( ولهان) الاخير . ضنة :: الاخير !! لماذا هل مات ( ولهان) ؟ وهجاء :: لقد حكم علية بمصير اسوء من الموت سيجعلة اسوء شئ يمكن اي يحدث ل تلك القبيلة عندما يتحرر لا لن يوقفة شئ وقتها عن افنائهم جميعا ولكن انتي ورضيعتك لا علاقة لكم بالامر ف لن تعيشوا ل ترو انتقامة عندما يحدث . ضنة :: هل هناك اي طريقة ل ايقافة ؟ وهجاء :: لماذا يهمك الامر انتي كنتي اسيرة ل تلك القبيلة وقد عذبك ذلك الشخص الذي قتلة ( ولهان ) ف لماذا يهمك امر نسلهم ؟ ضنة :: هم لا يهمونني في شئ من يهمني هو ( ولهان ) اريدة ان يتوقف لقد انتقم ل لموت صغيرتة و لا داعي لقتل المزيد من الابرياء الذين لا ذنب لهم لقد انقذ طفلتي ولم يكن مضطر ل هذا اثق انة يحمل في داخلة قلب طيب . وهجاء :: لا شئ علي الارض يمكنة ان يروي الانتقام ابدا ، ولكن ربما هناك طريقة ل ايقاف ( ولهان ) . ضنة :: ما هي ؟ وهجاء :: لا شئ بلا مقابل يا ابنة الصحراء ؟ ضنة :: ما هو الثمن ل ايقافة ؟ وهجاء :: هل انتي مستعدة لعدم العودة ل قبيلتك ابدا والعيش هنا الي اخر حياتك ؟ ضنة نظرت ل ابنتها وقالت :: فقط لو كانت ابنتي معي . وهجاء :: ابنتك ستبقي معك ولكن سيكون هناك عهد بيننا وبينها ان وافقتي . ضنة :: اي عهد هذا انا لن اعرض ابنتي ل اي اذئ . وهجاء :: اطمئني ابنتك لن تتعرض ل اذي . ضنة :: اذا ما سيحدث ل ابنتي انا لا اريدها ان تدخل في عهود الدم الخاصة بكم. وهجاء :: ابنتك ستحيا وتموت ب سلام ولن يصيبها شئ فقط سيكون عليها ان تحفظ تلك اللفيفة * واخرجت من ملابسها للفيفة ورق بردي * وعليها ان تسلمها الي من تأتي بعدها وهكذا الي ان يحين الوقت. ضنة :: وماذا سيحدث عندها ؟ وهجاء :: بدا العهد ب أنسية وسينتهي ب أنسية ولكن لكل شئ ثمن. ضنة :: وما الثمن ؟ وهجاء :: لا نعرف وقتها ما سيحدث ل نخبرك ، و الان لقد اخبرناك بكل شئ ف هل تقبلين العهد بكامل ارادتك ؟ وفي حالة رفضك سنعيدك انتي وابنتك الي قبيلتك الاولي وستنسين كل ما يخص تلك الارض ، قرري الان يا ابنة الصحراء. ضنة :: انا اقبل عهدكم واعهد اليكم ب أنثي من نسلي ل ايقاف ( ولهان ) وقبول الثمن مهما كان. وهجاء :: لكي هذا يا ابنة الصحراء * ظهر شعاع احمر من اللفافة الورقية ومس الرضيعة وتوهج جسدها للحظات بهذا الشعاع ثم عادت ل طبيعتها مرة اخري * اكملت ( وهجاء ) حديثها :: تذكري عليكي ان تخبريها ل تخبر من تاتي بعدها انة لا شئ بلا مقابل و حين ياتي الوقت عليها دفع الثمن مهما كلف الامر . * اختفت وهجاء وباقي النساء المتشحات بالسواد * ضنة تنظر الي رضيعتها وتحدثها كما لو كانت تفهمها :: لا اعلم هل ما فعلتة هو الصواب ام لا ولكنني مدينة بحياتك ل ( ولهان ) وانا امراة عربية ولدت ف الصحراء و تربيت فيها ولا يمكنني العيش وفي رقبتي دين ل شخص اعلم انة في حاجة ل مساعدتي يوما لهذا ارجو ان تسامحني من ستدفع ذلك الثمن الذي يتحدثون عنة ايأ كان . _____________________ * ( هند ) فتحت عينيها ورجعت اللفافة مكانها وهي مخضوضة من اللي شافتة وطلعت من السراديب بسرعة و رجعت اوضتها * *** نرجع ل ( فخر الدين ) وقت ما ساب ابوة ( سلطان ) وخرج وهو غضبان ركب حصان وخرج بية برة البلد كان متعصب وبيفكر ازاي ابوة يطلب منة كدة وهل دة اختبار عشان يشوفة يستحق يكون مكانة من بعدة ولا فعلا هو عايزو يلطخ ايدة بالدم ** فضل ماشي وسرحان ف الصحراء لحد ما فات اكتر من ساعة والشمس غربت والليل يملا الصحراء واصوات الذئاب بدات تعلا و سمع صوت رصاص بيض*ب ناحية و حس بنار بتخترق جسمة وقع من علي الحصان وفقد الوعي * ______________ ** بعد ساعات فتح عنية ببطء لقا الدنيا سوداء وحس بقماش اسود علي عينية حس بألم رهيب حاول يحرك ايدة لقاها مربوطة ورجلية كمان وحس بحركة قريبة منة * فخر الدين :: مين هنا، انا فين واي اللي ربطني كدة ؟ صوت انثوي :: اطمن محدش هيأذيك ؟؟ فخر :: انتي مين و رباطني لية انا حاسس بوجع رهيب ف كتفي شكلي اتصبت ب رصاصة . نجد :: اني نچد ؟ فخر :: ممكن اعرف انا لية مربوط كدة ولية مغمية عنيا ؟ نجد :: لغوتك وخلاجاتك بتجول انك مش م الناحية دي بينك مصراوي . فخر :: انتي لية مش عايزة تجاوبيني علي سؤالي ، انا لية مربوط ومتغمي عينيا كدة ، اكيد انتي اللي ض*بتيني بالرصاص عشان تسرقيني ؟ نجد :: يمين بالله لولا أنك متصاب لكت جطعت ل**نك علي العيبة اللي جبتها دلوك . فخر الدين :: انا اسف مقصدش اهينك ، طيب ممكن تفهميني ؟ نجد :: هجولك . *** فلااااااااااااااااااش بااااااااااااااك ******* _____________ ** تلاتة من رجالة الهجامة ماشيين باحصنتهم شافو ( فخر الدين ) راكب حصانة وباين من لبسة القاهري * قميص وبنطلون * أنة مش من نواحيهم ف فكؤوة ضيف ف ارض السلطان او اي حتة تانية قريبة وخرج بحصان وتاية ف الصحراء * راجل منهم :: شايف يا ولا الراجل دي باينة غريب ولا ضيف ف اي بلد جريبة واهو تاية وجة ل جضاة . التاني :: شكل الحصان بتاعة غالي جووي اض*بو علية بس خلي بالك احسن الحصان دية لما يتباع ف الميركز هيچيب فلوس كتتتيرة ونجضي سهرة زينة جووي ف المولد يا واااد . التالت :: بلاها الصيدة ديي شكلة ضيف وتاية من ارض السلطان انتو خابرين سيدنا سلطان ممكن يعمل فينا ايي . الاول :: سيدك ل حالك اني ماليش سيد . التاني :: يأك نسيت ديبة الچبل دي تاكلك حي يا واد !! الاول :: خلصنا بجا هنخلصو ع الواد دية ولا هنجضي الليل بطولة نتساهرو ؟ التاني :: يلا بينا بس الموصلحة دي لينا ل حالنا حاكم لو ديبة الچبل شمت خبر هتدفنا ف الچبل عشان طخينا نفر باينة من ارض السلطان و**رنا العهد احنا نطخوة وناخد الجرشينات والحصان اللي معاة وبعد كدي نتاوية ف تراب الصحرا . * الاول ض*ب رصاصة علي ( فخر الدين ) اللي وقع من علي الحصان بعد ما حس بنار ف كتفة وألم شديد اووي وبعدها أغمي علية * ** الرجالة راحت ناحيتة عشان تفتشة وبعد كدة تدفنة وتاخد الحصان و اول ما قربو منة وبداو يفتشو ف هدومة حسو بحركة وراهم و اول ما التفتو لا لقو ذئب هجم علي واحد منهم وقبل الاتنين التانين ما يحاولوا يهجمو لقو ذئب تاني هجم علي علي واحد تاني و ف نفس اللحظة اللي التالت حرك سلاحة عشان يض*ب الديابة طلع صوت رصاصة بس مش من سلاحة لانة وقع علي الارض بينزف والذئبين كانو خلصو علي الراجلين الباقيين و وقفو ثابتين ف تحفز ناحية ( فخر الدين ) اللي مرمي علي الارض جمب جثث رجالة الهجامة وصلت ( نجد ) وشالت ( فخر الدين ) حصانة ومشيت بية مسافة كبيرة لحد ما وصلت ل صخور كتيرة وضخمة مشيت وسطها لحد ما وقفت قدام صخرة معينة نزلت علي الارض قدامها وشالت الرملة لحد ما ظهر زي باب خشب ف الارض رفعتة ف ظهر زي نفق طويل ومضلم سحبت ( فخر الدين ) ونزلت بية لحد ما وصلت للمقبرة الفرعونية وبعدها طلعت خفت الحصان ف كهف قريب وخفت المدخل بتاعة عشان محدش يلمح الحصان وبعدها رجعت ل ( فخر الدين ) وبدات تضمد الجرح بتاع وخرجت الرصاصة وكوت الجرح ** _____________ نجد :: هو دية اللي حوصل . فخر :: مش عارف اشكرك ازاي علي اللي عملتية انتي انقذتي حياتي . نجد :: معيزاش شكر مينيك اني معملتش غير اللي اتربيت علية . فخر :: وانا فين دلوقتي ولية مغمية عيني ؟ نجد :: مالكش صالح انت فين اول ما يطيب چرحك هتمشي من هني اني مش حبساك بس اني وعدت امي اني معرفش حد واصل مكاني دية . فخر :: ولية امك مش معاكي انتي هربانة من حاجة يعني ؟ نجد :: جلتلك مالكش صالح كلها سواد الليل النهاردة وبكرة تتوكل علي اللي خلجك وتنسي اللي حوصل ومتچبش سيرة عن حاچة واصل لو صح عايز ترد المعروف . فخر :: طب ممكن تشيلي الغمامة عن عيني عشان اشوفك اظن من حقي اشوف الست اللي انقذت حياتي ؟ نجد :: مش من حجك انتا ضيف وحجك اكرامك وبس غير كدي مالكش صالح بحاچة جولي صوح انت چاي منين ؟ فخر :: رغم انك مقولتيش حاجة عن نفسك بس انا هقولك انا ابقا ( فخر الدين ) من ارض السلطان لو تعرفيها . نجد :: الا اعريفها حتي ديابة الصحراء يعرفوها بس خلاجاتك ولغوتك بتجول انك مصراوي !؟ فخر :: والدتي كانت من القاهرة وانا اتعلمت هناك لحد ما اتخرجت من الجامعة ف اتعودت علي اللبس دة ول**ني مش بيقلب صعيدي الا وقت اللزم بس . نجد :: المهم دمك واصلك من ارض السلطان . فخر :: انتي منين بقا مفيش اي قرئ او كفور قريبة مننا مفيش غير الهجامة هما اقرب حاجة ل ارض السلطان ومظنش ان حد بالاخلاق دي يبقي من الهجامة . نجد :: يأك فاكر ان المرؤءة والدم الحامي ف رچالة ارض السلطان وبس تراب الصحرا يشهد ان مدفون فيها رجالة وحريم ، الارض دي مشافتش زيهم ومهماش من ارض السلطان بتاعتك دي . فخر :: طيب طيب متزعليش مقصدش اضايقك ، قوليلي بقا مين اللي مدفونين ف الصحراء والارض مشافتش زيهم انا بسمع حكايات ارض السلطان من صغري وعارفهم كلهم ؟ نجد :: في حكاوي متعرفهاش ارض السلطان وديلها ياما من ايام جدودنا اللي كانو بيعملو المساخيط . فخر :: طب احكيلي حكاية منهم . نجد :: هحكيلك لجل تنام وتخلصني من حديتك اللي مهيخلوصش واصل . فخر :: حاضر انا هسكت خالص واسمعك لحد ما انام . نجد :: الحكاية جديمة جووي ومكتوبة علي چدران مجبرة من زمان جووي .. ________________ مستني رائيكم وتوقعاتكم