“YOUR PANCAKES and ketchup saka broccoli with maple syrup.”
Natawa si Cai sa nakikitang ekspresyon ng mukha ni Wilder habang inilalapag ang dalawang plato sa kanyang harapan. Sinusubukan nitong huwag mapangiwi. Tinabihan siya nito sa mahabang mesa.
Sinimulan na ni Cai ang pagkain. Hindi niya sigurado kung bakit gusto niyang kainin ang pancakes na may ketsup at broccoli na mayroong maple syrup. Ilang araw na siyang hindi nagsusuka pero palagi naman siyang gutom. Isang oras pa lang mula nang kumain sila ng tanghalian at hayun siya, parang hindi pa kumakain.
Nasa condominium unit sila ni Daniel. Birthday ng kaibigan nila nang araw na iyon. Nagkataon na libre silang lahat kaya naman binisita nila ang kaibigan na wala sanang planong iselebra ang birthday. Gusto lang nitong matulog dahil nak
