JERON
Ayaw sagutin ni Sheina ang mga tawag ko, kaya dumiretso na lang ako sa kanila. Ang kotse ko na lang ang ginamit ko, at sinama ko si Manang Yolly na siyang nag-aasikaso kay Randel sa back seat.
Pawisan ako habang nagmamaneho ako papunta kina Sheina, dahil alam kong magkakagulo kapag nagpunta kami doon at makita ng pamilya niya ang bata. Tiyak na mahabang paliwanagan ang mangyayari kaya sana lang ay sagutin na ni Sheina ang tawag ko.
Nasa San Policarpio na kami nang finally ay sagutin niya na nga ang tawag ko. "Hello? Oh, Jeron, ba't ka napatawag? May nakalimutan ka pa bang sabihin?"
Doon na ako nagpaliwanag sa sitwasyon. And as expected, nagulat siya sa sinabi ko. "Kung ayaw mong sa bahay tayo magkita, pwede namang sa ibang lugar na lang. Ang importante ay makita ka ni Randel pa
