JERON
Nakauwi na si Sheina sa kanila. Gusto ko sana siyang ihatid pabalik sa kanila, kahit hanggang sa downtown lang, pero tumanggi siya. May mga nadaan naman kasing jeep pabalik ng downtown ng Talisay dito sa kalsada sa tapat ng bahay namin, kaya sabi niya ay hindi ko naman kailangan pang ihatid siya pauwi sa kanila. Hindi ko naman siya mapipilit kaya sinamahan ko na lang siya sa gilid ng kalsada hanggang sa makasakay siya. At nang finally ay may humintong jeep sa harap namin, pinagmasdan ko na lang siya hanggang sa makaalis ang jeep na sinakyan niya, dahil hanggang doon lang naman ang kaya kong gawin.
Because I lost her, and she's not mine anymore.
Mabigat ang mga paa ko nang bumalik ako sa loob ng bahay ko. Gusto ko ngang matawa sa sarili ko ngayon eh. Dahil gusto kong maiyak kahit
